Saturday, November 21, 2009

கடவுள் தண்டிப்பாரா ?

கோவில் கர்ப்ப கிரகத்திற்குள்ளேயே பெண்களைக் கட்டிப்பிடிச்சு கர்மம் புடிச்ச வேலையெல்லாம் பண்ணிருக்கான் ஒரு அர்ச்சகர் . தன் கண் முன்னாடியே அந்த காமாந்தகாரன் கெட்ட வேலையெல்லாம் பண்ணிருக்கானே ,அந்த கடவுள் சும்மா விடுவாரா ''

இப்படி ரொம்பவும் கவலைப் பட்டு கேட்கிறாள் மனைவி.புனிதம் கெட்டுவிட்டதாகவும் புலம்பல் !

''ஏன்டி இப்படி புலம்புறே,தினமும் குளிப்பாட்டி ,சேலை கட்டி,சிங்காரம் செய்றவன்தானே .பாவம் விட்ருவோம்னு அந்த கடவுள் நினச்சிருக்கலாம் !ஏழை அர்ச்சகன் ,லாட்சுக்கு தள்ளிட்டுப் போகமுடியாது,அதனாலே கர்ப்ப கிரகத்திலேயே ஒதுக்குப் புறமா ஒதுங்கி அவன் வேலையை முடிச்சுக்கட்டுமேன்னு கடவுள் நினைச்சிருக்கலாம் !கருவறைன்னு சொல்றதால அந்த அர்ச்சகன் கரு தரிக்கிற அறைன்னு நினச்சு பொண்ணுகளுக்கு விளையாட்டு காட்டி இருக்கிறான் .பொண்ணுகளும் இஷ்டப்பட்டு தானே இணங்கி போயிருக்காங்க ! நீ ஏன் புலம்பித் தவிக்கிறே? ''
என்று சொல்லி அவளை சரிக்கட்டப் பார்க்கிறான் , கணவன்.

அவளோ விடுவதாக இல்லை!

''மனுசங்களில் ஒரு பிரிவினரை கோவிலுக்குள் விடுறதில்ல. அவங்க கால் வச்சாலே தீட்டுன்னு சொல்லி ஸ்பெஷல் பூஜை பண்றாங்க .எதேதோ முன்னணி கின்னணின்னு சொல்லி எதிர்ப்பெல்லாம் காட்றாங்க,இந்த அர்ச்சகனின் கர்ப்ப கிரக காம விளையாட்டுல மட்டும் கப்சிப்னு வாயை மூடிக்கிட்டாங்களே ,அது ஏன்?''

'' இது சின்ன கோவில்தானே ,விடேன் ''

''அது எப்படி ?சின்ன கோவிலிலும் தலித்துகளை விடுறதில்லை .அவர்களும் கடவுளின் பிள்ளைகள்னு காந்திஜி சொல்லிருக்கிறார் .அது பொய்யா?''
'' நீ வர வர நாத்திகம் பேச ஆரம்பிச்சிட்டே .என்னை மாதிரி பக்கா பக்தனுக்கு இப்படி ஒரு பொண்டாட்டியா ?'' என்று பேச்சை திசை திருப்ப முயன்றான் .

இதைக் கேட்டதும் அவளால் சிரிப்பை அடக்க முடியவில்லை!

''அடடா, எப்படிப் பட்ட பக்தர் நீங்க ! பக்தர் திலகம் என்று பட்டமே கொடுக்கலாம். அய்யப்பனுக்கு மாலை போட்டு ஒரு வாரம் கூட ஆகலே.'பருவ மழை பாடாப் படுத்துது .குளிர் தாங்க முடியலியேன்னு சொல்லி பாதி ராத்திரியில் மாலையை கழட்டிட்டு வந்து என் பக்கத்தில் வந்து படுத்த ஆசாமி தானே நீங்க! நாட்டுல ரொம்ப பேரு இப்படிப் பட்ட பக்தர்கள்தாங்க! பாவமுங்க கடவுள்கள் '' என்று நக்கலாக சிரிக்க கணவன் எஸ்கேப் !

எப்படியெல்லாம் கடவுளுக்கு கெட்ட பெயர் இப்படிப் பட்ட மனிதர்களால்!

2 comments:

கோவி.கண்ணன் said...

//கடவுள் தண்டிப்பாரா ? //

அனுமதித்தவர் தண்டிப்பாரா ?

:)

Anonymous said...

''அடடா, எப்படிப் பட்ட பக்தர் நீங்க ! பக்தர் திலகம் என்று பட்டமே கொடுக்கலாம். அய்யப்பனுக்கு மாலை போட்டு ஒரு வாரம் கூட ஆகலே.'பருவ மழை பாடாப் படுத்துது .குளிர் தாங்க முடியலியேன்னு சொல்லி பாதி ராத்திரியில் மாலையை கழட்டிட்டு வந்து என் பக்கத்தில் வந்து படுத்த ஆசாமி தானே நீங்க! நாட்டுல ரொம்ப பேரு இப்படிப் பட்ட பக்தர்கள்தாங்க! பாவமுங்க கடவுள்கள் '' என்று நக்கலாக சிரிக்க கணவன் எஸ்கேப் !

Your touch..... :)

எடப்பாடியுடன் இறுதிப் போருக்கு தயாராகிறார் தினகரன் !

தமிழக அரசியலில் நாள்தோறும் மாற்றங்கள். அதிலும்  ஆளும் கட்சியான  அதிமுக அம்மா அணியில் அதிரடியான நகர்வுகள். "என்ன செஞ்சிருவாய்ங்க..பார...