Tuesday, January 5, 2010

பாதிக்கப்பட்டவன் விடும் கண்ணீர்......!

டி .வி .விளம்பரத்தைப் பார்த்து ஏமாந்த இளிச்சவாய்ப் பயல்களில் அடியேனும் ஒருவன். நானும் அந்த ''பாடி ஸ்பிரேயை'' வாங்கி அடிச்சுக்கிட்டு லிப்ட் ,காப்பி சாப் னு நின்னு பார்த்தேன்.

ஒரு பொண்ணு கூட மடங்கலைய்யா !

நாத்தம் புடிச்ச பன்னியைப் பார்த்து ஒதுங்கிப் போறது மாதிரி ஓடுறாங்க!

அந்த விளம்பரப் படத்தில் மட்டும் அந்த குள்ளனும் ,நெட்டச்சியும் லிப்ட்ல எல்லாத்தையும் முடிச்சிட்டு வர்றாங்களே ? அது எப்படிய்யா? இப்படியெல்லாமா ஏமாத்துவானுங்க ?

டி.வி. விளம்பரத்தைப் பார்த்து பணத்தை விட்ட ஏமாளிப் பயலுகளில் நானும் ஒருத்தனாகிப் போனேன். சிட்டுக் குருவி லேகிய விளம்பரங்களில் கூட இவ்வளவு எபெக்ட் இருந்ததில்லிங்க.

அவனுகளைச்சொல்லி குத்தம் இல்லிங்க! இந்த மாதிரி ஜொள்ளு விளம்பரங்களை விட்டாத்தானே '' அலஞ்சான்ஸ்''பாஞ்சு ,பாஞ்சு வாங்குறோம் .நல்லாவே தெரிஞ்சு வச்சிருக்கானுங்க.

பொண்ணுகளை மடக்கிற மாதிரி விளம்பரங்களை போட்டால் திருப்பதி உண்டியல்ல சேர்ற மாதிரி பணம் சேர்ந்திடும்கிற ரகசியத்தை நல்லாவே தெரிஞ்சு வச்சிருக்காங்க. பணத்தை விட்ட பிறகுதானே அது விளம்பர உத்திங்கிறது தெரியிது.

சரி,வெளியிலதான் ''பாடிஸ்ப்ரே'' வொர்கவுட் ஆகலே, வீட்டுக்குள்ளாவது வேலைக்கு ஆகுமான்னு அடிச்சிட்டு படுத்தா வீட்டுக்காரி கத்துரா! ஹவுஸ் ஓனர் இல்லிங்க,மனைவியைத்தான் சொல்றேன்.

''கர்மம்,...பேதி மருந்து சாப்புடுங்கன்னு சொன்னா கேட்டாத்தானே , செத்த பெருச்சாளி நாத்தம். யோவ், இன்னிக்கு கக்கூசுக்கு போகலியா''ன்னு விரட்டுறா! சாம்பிராணியை வீடு முழுக்கப் போடுறா! நான் ஏத்தி வச்சுட்டு படுத்தாத்தான் தூக்கம் வரும்கிறா!

இப்பல்லாம் அக்குளுக்கு அந்துருண்டை தான்!

நாலு இழுப்பு இழுத்திட்டு சட்டையைப் போட்டுக்கிறேன்.நீங்களும் ஒருவாட்டி டிரை பண்ணுங்க. காசு மிச்சமாகும். அலர்ஜி ஆச்சுன்னா என்னைத் திட்டக் கூடாது. அதது அவங்கவங்க உடல் கூறு !

No comments:

"ஜெ. சீரியஸ் உண்மை மறைக்கப்பட்டது."---அப்பல்லோ பிரதாப் !

                   மாட்டின் எலும்புகளை இறுக்கி நொறுக்கியதும் முழு மாட்டையும்  விழுங்கத் தொடங்கி விடும் மலைப்பாம்பைப் போல-----             ...