Sunday, December 11, 2011

பாரதியார் மன்னிப்பாரா?

''செந்தமிழ் நாடெனும் போதினிலே -இன்பத்
 தேன் வந்து பாயுது காதினிலே-'' எனப் பாடி மகிழ்ந்த பாரதிக்கு பிறந்த நாள்.சிலைகளுக்கு  மாலை ,மரியாதை,பள்ளிக் குழந்தைகளை வைத்து நிகழ்வுகள்,பரிசு வழங்கல் என கொண்டாடி  பத்திரிகைகளுக்கும் செய்திகள் கொடுத்துவிட்டு வீட்டுக்குள் சென்றால்,உண்மையாகவே தேன்  பாய்கிறது செவிகளில்!
''கொல வெறி  டி ''பாடலை சத்தமாக ஒலிக்க செய்து ''நாளைய மன்னர்கள்''ஆடிப் பாடிக் கொண்டிருக்கிறார்கள்.
''என்ன கொடுமைடா இது..ஒரு எழவும் புரியல ..நாளைக்கு 'எக்ஸாம்  '. இப்படி  கூத்தடிச்சா வெளங்குமா?'' இது அப்பனின் கோபம.
''போங்க டாட் ,எக்ஸாம்ல என்ன கேப்பாங்க ,எப்படி எழுதனும்கிறது எங்களுக்கு தெரியும்.என்ஜாய்  பண்ண விடுங்க ...எவண்டி உன்னைப் பெத்தான்கிற பாட்டை விட இதான் சூப்பர் பாட்டு ''இது மகனின் பதில்.
அறையிலிருந்து அம்மா வருகிறாள்,சற்றே கோபமுடன்!  '' பசங்கள இப்படி கண்டிச்சா அவனுங்க  டிஸ்கரேஸ் ஆயிடமாட்டானுகளா ,வந்ததும் வராதுமா ஏன் இப்படி கத்துறீங்க?எவ்வளவு நல்லா பாடுறானுங்க!என்கறேஸ் பண்ணலேன்னாலும் பரவாயில்ல .நீங்க இப்படி பிகேவ் பண்ணாதிங்க'' என்கிறாள்.
''ஓ..நீ என்னை கிரிட்டிசைஸ் பண்றியா?மூதேவி.உன்னாலதாண்டி பசங்க கெட்ட பாட்ட போட்டு இப்படி கன்னா,பின்னான்னு குதிக்கிறானுங்க.இவனுங்க எங்க பாஸ் பண்ணப் போறானுங்க .வேஸ்ட்!''என்கிறார் பாரதி விழாவில் ''யாமறிந்த மொழிகளிலே தமிழ்மொழி போல்  இனிதாவ  தெங்கும் காணோம்'' என்று பாடி விட்டு வந்த அப்பன்காரன்!
இதுதான் இன்றைய தமிழ்நாட்டின் உண்மையான நிலை!

No comments:

எடப்பாடியும் ஓபிஎஸ்சும் மோதல்.கோமாளி தேசமாகிறது.!

வலைப்பூ வாசிப்பாளர்களே,                வணக்கம். வீட்டு விஷேசங்களுக்கு வருகிற சொந்தங்கள் " உங்க ஊர்ல டெங்கு எப்படி இருக்கு, எத்தனை பேர...