Saturday, January 14, 2012

குடிக்க சொல்லி சினிமா?

குடியின்றி அமையாது உலகு ....சரக்கு போட்டுட்டு மல்லாக்க படுத்து விட்டத்தை பார்த்தபோது மூளைக்குள் முளைத்ததுதாங்க இது.!
சினிமா படம் ரெடி!''நாம்ப சரக்கு அடிக்கிறது விரும்பிதான்.அடுத்தவன் சொல்லி யாரும் குடிக்கல.இன்னிக்கி சினிமாவை விட மிகப் பெரிய பொழுது போக்கு அரங்கு டாஸ்மாக் கடைதான்.சூப்பர் நடிகர்களுக்கு இல்லாத ரசிகர் பட்டாளம்  டாஸ்மாக் கடைக்குத்தான் இருக்கு.அதனாலதான் ''மதுபானக் கடை ''என்கிற பெயரில் சினிமா ரெடியா இருக்கு!''என்கிறார்கள் இந்த படத்தை எடுத்திருக்கிறவர்கள்.
''விரும்பி கொண்டாடி குடிக்கிறோம்,ஆனா குடிக்காதேன்னு மது ஒழிப்பு போராட்டம் நடத்துறாங்க .ஏன்யா இந்த முரண்பாடு?''என்று கேட்கிறார்கள் படத்தின் தயாரிப்பாளர்கள்.மூன்று மாதம் டாஸ்மாக் கடையில் தவமிருந்து சம்பவங்களை சேகரித்திருக்கிறார்கள்.நடிகர்களும் அசல் குடிகாரர்கள்தானாம்.மாண்டேஜ் மீடியா என்கிற நிறுவனம் எடுத்துள்ள இந்த படத்தில்  காதலும் இருக்கிறது..காமடி படம் என்கிறார்கள்
குடிப்பது கெடுதல்னு சொல்லி வைன் ஷாப் திறக்க அரசே அனுமதி தரும்போது  குடி அதனால் காதல் வரும்னு நாங்க சொல்றது தப்பான்னு காட்டுவாங்க போலிருக்கு.
2010 - 2011 ல் டாஸ்மாக் வருமானம் 22 ஆயிரம் கோடி இருக்கும் என்கிற தயாரிப்பாளர்கள் சினிமா தொழிலை விட அதிக ஆதாயம் குடியில தான் கிடைக்கிறது என்று சத்தியம் பண்ணுகிறார்கள்.சத்தியம் எதுக்கு?அரசாங்கமே  அந்த வருமானத்தில தானே 'ரன்' ஆகிட்டிருக்கு.
இந்த படத்துக்கு அரசு வரி விளக்கு கொடுத்தாலும் ஆச்சரிய படுறதுக்கில்ல. 

No comments:

எடப்பாடியும் ஓபிஎஸ்சும் மோதல்.கோமாளி தேசமாகிறது.!

வலைப்பூ வாசிப்பாளர்களே,                வணக்கம். வீட்டு விஷேசங்களுக்கு வருகிற சொந்தங்கள் " உங்க ஊர்ல டெங்கு எப்படி இருக்கு, எத்தனை பேர...