Thursday, January 26, 2012

குடியரசும்.....மக்களும்!

ஜனவரி 26 ....
இந்திய மக்கள் நெஞ்சு நிமிர்த்தி கொண்டாடவேண்டிய நன்னாள் ...
''பாரத மணித்திருநாடு என பாடி,ஆட வேண்டிய திருநாள்.
ஆடலும்,பாடலும் பள்ளி சிறாருடன் நின்று விடுகிறது! அதுவும் ஒரு கட்டாயத்தினால் மட்டுமே நிகழ்கிறது.
எவர் வீட்டிலாவது தேசியக் கொடி பறக்கிறதா?
காங்கிரஸ் கட்சித் தலைவர்கள் ,அதிலும் சிலர் வீட்டில் பறக்கலாம்.அவர்கள்  முக்கியமான பதவிகளில் இருப்பவர்களாக இருக்கும்.திமுக,அதிமுக,பாமக, மதிமுக,தேமுதிக என எம்.பி.கள்,எம்.எல்.ஏ.கள் இருக்கிறார்களே ,அவர்களின் வீடுகளிலாவது தேசியக் கொடி பறக்கிறதா?
தலைவர்கள் வீட்டில் பறந்தால் அல்லவாஇவர்களின் வீடுகளில் ஏறப் போகிறது!
ஆக குடியரசுநாளும்,சுதந்திர நாளும் ஒப்புக்காக கொண்டாடப் படுகிற நாட்களாகவே இருக்கின்றன.முட்டாயி திங்கிற நாளாகவே சிறார்களுக்கு இருக்கிறது.மக்களால் கொண்டாடப்படுவதில்லை. எந்த ஊரிலாவது மக்கள்  அவர்களாகவே திரண்டு கொடிஏற்றி கோலாகலமாக கொண்டாடி இருக்கிறார்கள் என்று சொல்லமுடியுமா?
எம்.எல்.ஏ;எம்.பி.களுக்கு அதாவது நம்ம தமிழ்நாட்டு பிரதிநிதிகளுக்கு அவர்களுடைய தொகுதிகளில் எத்தனை பேரூர்,சிற்றூர் இருக்கிறது என்பது தெரியுமா?
அவர்களுக்கு காண்டிராக்ட் நிலவரம் தெரியும்,டாஸ்மாக் கடை விவரம் தெரியும் ,மணல்,கல் குவாரிகள் தெரியும்,காலி நிலம் ,புறம்போக்கு நிலம் பற்றிய கணக்கு தெரியும்>
நமது பிரதிநிதிகள் யாரையாவது சந்திக்க நேர்ந்தால் பக்ரா நங்கல் பற்றி கேளுங்கள்.சொல்கிறார்களா என்று பார்க்கலாம்!
அவ்வளவு ஏன்,தேசியக் கொடியில் இருக்கிற சக்கரம் பற்றி கேட்டுப் பாருங்கள் அதில் எத்தனை ஆரங்கள் இருக்கின்றன என கேளுங்கள்.முழிப்பார்கள்.எத்தனை ரிசர்வ் தொகுதிகள் தமிழ் நாட்டில் என்று  ஒரு தேமுதிக எம்.எல்.ஏ,விடம் பேச்சு வாக்கில் கேட்டேன்.''பத்து, பதினைந்து  இருக்குமா?''என்னிடமே கேட்கிறார்..என்னத்தை சொல்ல?
இத்தகையவர்களை நமது பிரநிதிநிதிகளாக தேர்வு செய்கிற மக்கள் மீதுதான்  குற்றம் சொல்வேன்!

1 comment:

k.r.selvaraj said...

பணம்,பணம்,பணம் சம்பாதிப்பது
மட்டுமே அவர்கள் தொழில் என்று
நினைக்கிறார்கள்.மக்களும் அதை சரி என்று பல நேர்வுகளில் ஏற்றுக்கொள்கிறார்கள் அங்கீகரிக்கிரார்கள்.
இது

(குறள் 751:
பொருளல் லவரைப் பொருளாகச் செய்யும்
பொருளல்லது இல்லை பொருள்.)

மதிக்கத் தகாதவர்களையும் மதிக்கக்கூடிய அளவுக்கு உயர்த்திவிடுவது அவர்களிடம் குவிந்துள்ள பணத்தைத் தவிர வேறு எதுவும் இல்லை

என்பதால், மற்றவற்றின் ஒளி மங்கிவிடுகிறது.

எடப்பாடியும் ஓபிஎஸ்சும் மோதல்.கோமாளி தேசமாகிறது.!

வலைப்பூ வாசிப்பாளர்களே,                வணக்கம். வீட்டு விஷேசங்களுக்கு வருகிற சொந்தங்கள் " உங்க ஊர்ல டெங்கு எப்படி இருக்கு, எத்தனை பேர...