Saturday, January 28, 2012

தந்தை பெரியாரும்,,,மூட நம்பிக்கைகளும்..!

பழைய நாளேடுகளை புரட்டிக் கொண்டிருந்தேன்.
நான் சிவப்பு மையினால் குறியிட்டிருந்த ஒரு  செய்தியை மறுபடியும் படித்துப்  பார்த்தேன்!
அது ஓர் கொலை செய்தி!
சினிமாக்காரர்களுக்கு பயன் படலாம்!
''நாங்கள் உண்மை சம்பவத்தைதான் படமாக எடுத்திருக்கிறோம் ''என சொல்வதற்கு பயன் படலாம்!
மகன் பெயர் பாலாஜி!அந்த ஏழுமலையானின் பெயர்!
அவனுடைய அம்மாவின் பெயர் லலிதா! இவளது பெயரில் 'சகஸ்ரநாம'அர்ச்சனையே நடக்கும்.
அதனால்தானோ என்னவோ மகனுக்கு தினமும் அர்ச்சனை!
அப்பா கண்டு கொள்வதில்லை.கண்டித்தால் இரவு நேரம் அவருக்கு கசப்பாகி விடும்.
அம்மா ஒத்துழையாமை இயக்கம் நடத்துவாள்!
அதனால் 'எனக்கென்ன ,அம்மாவும் பிள்ளையும் ஜெயித்தவர் கரை ஏறுங்கள்!' என இருந்து விடுவார்!
உடன் பிறந்தாலும் ஒட்டாமல் வாழ்ந்தாள் அக்கா!
பூஜ்யமாக வீட்டில் இருந்தான்.
தன்னுடன் ஏதாவது எண் இருந்தால் தான் மதிக்கப் படுவோம் என நினைத்தான்!
ஆன்மிகம் நாடினான்!ஹாஸ்டல் வாழ்க்கை!
ஆன்மிகம் அவனுக்கு எதைக் கற்றுக் கொடுத்ததோ,வீட்டுக்கு வந்தவன் ஒரே  போடாக அம்மாவைப் போட்டுத் தள்ளினான்.
அம்மா செத்தாள்! 
''என்னுடைய கனவில் சிவன் வந்தார்! அவர் கட்டளை இட்டதால் அம்மாவைக் கொன்றேன்'' என்று வாக்குமூலம் !
இவைதான் நான் படித்த செய்தியின் சாரம்!
மூட நம்பிக்கையின் அடித்தளங்களாக எவை எல்லாம் காரணமாக இருக்கின்றன! 
தந்தை பெரியார் நினைவுக்கு வந்ததார்.அவர் வாழ்ந்த  காலம் 94  ஆண்டுகள்,மூன்று மாதங்கள்,ஏழு நாட்கள்!
820000 மைல் பயணித்து மூடக் கொளகைகளை எதிர்த்து பேசி இருக்கிறார்.
கிட்டத் தட்ட 33 முறை உலகை சுற்றி வருவதற்கும் ,மூன்று முறை நிலவுக்கு சென்று வருவதற்கும்  ஒப்பான தொலைவு என கணக்கிட்டிருக்கிறார்கள். 
என்ன பயன் ? அவரை பின்பற்றுவதாக சொல்பவர்களே ரகசிய பக்தர்களாக 
கோவில்களில் உருளுகிறார்களே!
! உருப்படுவோமா?

1 comment:

Kannan said...

மூட நம்பிக்கை .....


"நன்றி,
கண்ணன்
http://www.tamilcomedyworld.com"

"ஜெ. சீரியஸ் உண்மை மறைக்கப்பட்டது."---அப்பல்லோ பிரதாப் !

                   மாட்டின் எலும்புகளை இறுக்கி நொறுக்கியதும் முழு மாட்டையும்  விழுங்கத் தொடங்கி விடும் மலைப்பாம்பைப் போல-----             ...