Wednesday, January 4, 2012

லக்ஷ்மணா?என்னை அடைய ஆசையா?

மாரிசன் வதை படலம்.மானை தேடி ஓடிய ராமன் திரும்பவில்லை.அவனது அபயக் குரல் கேட்கிறது. துடித்துப் போனாள் சீதை.கொழுந்தன் லக்குமணனைப் பார்த்து சொல்கிறாள் ,''அண்ணனின் குரல் கேட்கிறதே ,ஓடிப் போய் பார்'' எனப்  பதறுகிறாள்
அவனோ''இல்லை மாயாவியின் குரல்''  என்கிறான் .
அவளுக்கு கோபம் எல்லை மீறுகிறது.
கனலாக கக்குகிறாள்,வார்த்தைகளை!
''ராமன் அழிகையில் அவனைக் காக்க கருதாமல் கவலையற்று என்னைக் காத்து நிற்றல் யாது பயன் கருதியது?என் தலைவனுக்கு ஆபத்து நேர்ந்தவிடத்து என்னைப் ''பெண்டாள''கருதியே நீ உன் மனைவியை அயோத்தியில் விட்டுவிட்டு தனியே தொடர்ந்து வந்தாய்.நான் உன்னை ஒரு பொருளாக  மதியேன்.இனி என்முன் நில்லாதே போ ''என்கிறாள்!
இப்படி கம்பன் சொல்லவில்லை.
வால்மீகி சொல்லி இருக்கிறார்.
கம்பன் ஏன் அப்படி சொல்லவில்லை? வால்மீகியின் எழுத்தைத்தானே தமிழில் எழுதி இருக்கிறான்!மூலத்தை அப்படியே மொழி பெயர்த்தால் தமிழ் பண்பாடுக்கு கேடு என கருதியே தவிர்த்திருக்கிறான்.
இதைப் போலவே இலக்குவன் கோடு என்பதையும் சொல்லவில்லை.வால்மீகியில் மட்டுமே அந்த கோடு   இருக்கிறது!
இதை ஏன் இங்கு பதிவு செய்கிறேன் என்றால் .....?
சிந்துவெளி நாகரீகம் திராவிட நாகரீகத்தின் தொடர்ச்சி.தமிழ் நாகரீகத்தின் முந்தைய நாகரீகம் திராவிட நாகரீகம்.சிந்துவெளி அகழாய்வில் காணப்பட்ட முத்திரைகளில் காளை முத்திரைகள் மட்டுமே இருக்கின்றன.இந்த முத்திரைகளை கம்ப்யூட்டர் கிராபிக்ஸ் மூலம் குதிரையாக் மாற்ற முயற்சிக்கிறார்கள்.குதிரைகள் ஆரியர்கள் வந்த பின்னர்தான் வந்தன.இந்த மண்ணின் மூதாதையர் ஆரியர்தான் என்பதற்காகவே இப்படி ஒரு மாற்றம் செய்யப் பார்க்கிறார்கள்.
 கம்பன் பண்பாடு கருதி மாற்றினான்.இவர்களோ வரலாற்றையே சிதைத்து  மாற்றப் பார்க்கிறார்கள்.


No comments:

எடப்பாடியும் ஓபிஎஸ்சும் மோதல்.கோமாளி தேசமாகிறது.!

வலைப்பூ வாசிப்பாளர்களே,                வணக்கம். வீட்டு விஷேசங்களுக்கு வருகிற சொந்தங்கள் " உங்க ஊர்ல டெங்கு எப்படி இருக்கு, எத்தனை பேர...