Tuesday, February 21, 2012

எம்.ஜி.ஆரின்.படத்தை எடுக்க சொன்ன ரஜினி!

மிகவும் மென்மையான மனிதர் ஏவி.எம்.சரவணன் .ஒரு நாள் பேச்சுவாக்கில் எனது பிறந்த நாளை தேதி,மாத ,வருடத்துடன் சொல்லிவிட்டேன்..சரியாக அந்த நாளன்று ஏவி.எம்.மிலிருந்து ஒரு வாழ்த்துக் கடிதம் வந்தது. இன்று வரை வருடா வருடம் வாழ்த்துகள் வந்து கொண்டிருக்கின்றன.அவரே கையெழுத்திட்டு அனுப்ப செய்கிறார்.இப்போதெல்லாம் கம்ப்யூட்டரில் வந்து விடுகிறது வாழ்த்துகள்..அவரிடம் பேசினால் நேரம் போவதே தெரியாது. 'மனதில் நிற்கும் மனிதர்கள்' என்று புத்தக தொகுப்பு வெளியிட்டிருக்கிறார்.
அவர் சந்தித்த மனிதர்களைப் பற்றி நிறைய சொல்லி இருக்கிறார்.
நிறைவுகளை மட்டுமே எழுதி இருக்கிறார் .
சூப்பர் ஸ்டார் ரஜினியைப் பற்றி அவரே சொன்னது இனி!
''எங்கள் தயாரிப்பான 'சகலகலாவல்லவன்'படத்தில் கமலுடைய சண்டைக் காட்சி ஒன்றில் ஓர் இடத்தில் சுவரில் ஒட்டப்பட்ட எம்.ஜி.ஆர்.படப் போஸ்டர் வரும்.அந்த குறிப்பிட்ட காட்சியின் போது தியேட்டர்களில் ரசிகர்களின் கை தட்டலும்,விசிலும் அதிகமாக இருக்கும்.அந்த காட்சிக்கு கிடைத்த அதிகப் படியான வரவேற்பை பார்த்து விட்டு நாங்கள் ரஜினியை வைத்து 'பாயும் புலி' எடுத்தபோதும் ஒரு சண்டைக் காட்சியின் போது சுவரில் எம்.ஜி.ஆர்.படப் போஸ்டர்  வரும்படி செய்திருந்தோம்.ஆனால் அந்த காட்சியை படம் பிடித்தபோது சுவரில் இருந்த எம்.ஜி.ஆர்.படப் போஸ்டரை எடுக்க சொல்லிவிட்டார்.
நாங்கள் அந்த போஸ்டர் எதற்காக என்று விளக்கியபோது கண்டிப்பாக அதனை எடுக்க சொல்லிவிட்டார்.
அதற்கு அவர் சொன்ன காரணம் ''என்னைப் பார்க்க விரும்புகிறவர்கள் என் படத்துக்கு வர வேண்டும்.எம்.ஜி.ஆர்.என்ற பெரிய மனிதரின் புகழைப் பயன்படுத்தி எனக்கு பாராட்டுக் கிடைக்கசெய்வது நியாமில்லை "
ரஜினியின் கருத்துப் படி அந்த போஸ்டர் அகற்றப் பட்டது.
1996 -ஆண்டில் நடந்த தேர்தலில்  ஆட்சி மாற்றத்துக்கு ரஜினி எந்த அளவுக்கு காரணம் என்பதை நாடே அறியும் ஆனாலும் கூட கலைஞர் முதலமைச்சரானதும் அவரை சந்தித்தபோது ''என் பெயரைப் பயன்படுத்திக் கொண்டு அதை செய்து கொடுங்கள்,இதை செய்யுங்கள் என்று சொல்லிக் கொண்டு யாரும் வரக் கூடாது என்று என் சம்பந்தப் பட்ட அனைவரிடமும் சொல்லி இருக்கிறேன்.அப்படியே யாராவது வந்தாலும்  நீங்கள் நம்பவேண்டாம்''என்று  தெளிவு படுத்தியதாக ரஜினியே என்னிடம் சொன்னபோது இப்படியும் ஒரு மனிதரா என்று வியந்து போனேன்'' என்று பதிவு செய்து இருக்கிறார்!
பாராட்டலாம் ரஜினியை!

ஆனால் ஏதோ ஒரு வகையில் கமலை இடிப்பது மாதிரி தெரியவில்லையா?

1 comment:

Kannan said...

தலைவர் எப்போதும் இப்படி தான்....



"நன்றி,
கண்ணன்
http://www.tamilcomedyworld.com"

எடப்பாடியும் ஓபிஎஸ்சும் மோதல்.கோமாளி தேசமாகிறது.!

வலைப்பூ வாசிப்பாளர்களே,                வணக்கம். வீட்டு விஷேசங்களுக்கு வருகிற சொந்தங்கள் " உங்க ஊர்ல டெங்கு எப்படி இருக்கு, எத்தனை பேர...