Tuesday, May 8, 2012

கண்களை குளமாக்கிய 'வழக்கு எண்'......டீம்!

வழக்கு எண் படத்தின் வெற்றியை பத்திரிகையாளர்கள் மற்றும் இதர ஊடகங்களின் நண்பர்களிடம் பகிர்ந்து கொள்கிற நிகழ்ச்சி!

தயாரிப்பாளர் லிங்குசாமி,இயக்குநர் பாலாஜி சக்திவேல் ,ஒளிப்பதிவாளர்  விஜய்மில்டன்ஆகியோருடன்படத்தில்நடித்த.....இல்லையில்லை,வாழ்ந்திருந்த கலைஞர்கள் மேடையில் அமர்ந்திருந்தனர்.முக்கிய நடிகர்கள் சிலரைத் தவிர மற்றவர்கள் நட்சத்திர ஹோட்டலுக்கு வந்திருக்க வாய்ப்பில்லை.
அவர்களை நட்சத்திர ஹோட்டலுக்கு வரவழைத்ததுடன் நில்லாமல் மேடை ஏற்றி தமக்கு சமமாக அமரவைத்து வாழ்த்துப் பா பாடிய லிங்குசாமியும் ,பாலாஜி சக்திவேலும் மேலும் பல வெற்றிகளை குவிக்க வேண்டும் என நெஞ்சு நிறைய வேண்டியவன் நான்!
ஊர்களில் கூத்துக் கட்டுகிற சின்னசாமி என்கிற சிறுவன் காலில் செருப்புகள் இல்லாமல் மேடை ஏறினான்.அவன் வணங்குகிற கடவுள்கள் லிங்குவும் பாலாஜியும் என்பதால் அத்தனை பய பக்தி!
நன்றி சொன்ன அறிமுக நடிகர்கள் அத்தனை பேரும் உணர்வுகளால் சொட்ட ,சொட்ட நனைந்திருந்தனர் ,
பேச முடியவில்லை.
இந்த படத்தின் மூலம் அவர்கள் நாளை தமிழ் திரை உலகில் தவிர்க்க முடியாத நடசத்திரங்களாக வரலாம்.
ஆனால் யாருக்குமே அத்தகைய கனவுகள் இல்லை.என்பதை அவர்களின் நன்றி உரை உணர்த்தியது.
துணை நடிகர்களிடம் பேசுவதே தகுதிக்கு இழுக்கு என ஒதுங்கிப் போகிற படைப்பாளிகளை பார்த்திருக்கிறேன்.தயாரிப்பாளன் என்பவன் ஆண்டவனுக்கு அடுத்தவன் என நினைப்பவர்களையும் பார்த்திருக்கிறேன்.
ஆனால் பெரிய நடிகனோ சின்ன நடிகனோ,அறிமுக நடிகனோ ,யாராக இருந்தாலும் தனது திரைக் குடும்பத்தின் உறவுகள் என நினைக்கிற லிங்குசாமியை ,இயக்குநர் பாலாஜி சக்திவேலை அன்று தான் பார்த்தேன்.!
இவர்கள் வென்றால் தமிழ்த் திரை உலகம் ஆரோக்கியமுடன் வாழும்.
படத்தின் கிளைமாக்ஸ் படம் பார்ப்பவர்களை அசைத்துவிட வேண்டும்.அல்லது அழவைக்கவேண்டும்.இவை இரண்டில் ஓன்று அழுத்தமாக அமையுமேயானால் படம் பார்த்தவன் கனவுகளில் கண்டிப்பாக கிளைமாக்ஸ் இருக்கும்.
படத்திற்குரிய அந்த இலக்கணம் எவ்வித ஒப்பனையுமில்லாமல் நிகழ்ச்சியின் இறுதியில் நடந்தது!
இந்த காலத்தில் இப்படி ஒருவரா?
வெற்றி பெற்ற நொடியே சட்டைக் காலரை தூக்கிவிட்டுக் கொண்டு கறுப்புக் கண்ணாடி வழியாக பார்க்கிற இருட்டு மனிதர்கள் மத்தியில் நன்றியை ரத்த அணுக்களில் வைத்திருக்கிற சக்தி பாலாஜியை வாழ்த்துவதற்கு கடமைப் பட்டிருக்கிறேன்,நான் திரைப்பட விமர்சகனாக இருப்பதால்!
அத்தனை கூட்டத்தின் மத்தியில் லிங்குசாமியை நிற்க சொல்லி ஷாஷ்டாங்கமாக் விழுந்து வழங்கினார் பாலாஜி.
இருவரின் கண்களிலும் நன்றி நிறைந்து கண்ணீராக வழிந்தது.
சினிமா வாழும்! இத்தகைய மனிதர்கள் இருந்தால்!

No comments:

கோமாளி தேசத்து ராசாக்கள் .3

                   "என்ன ஆளுய்யா நீ..ஜெயமோகன் என்ன எழுதிருக்காருங்கிறத சொல்லாமல் எஸ்கேப் ஆயிட்டியே?"ன்னு கேட்பிங்க என்பது எ...