Tuesday, May 22, 2012

நியாயம்தானே,மோகன்லால்?

கருத்து சொல்வதற்குள் தமிழ்சினிமா நடிகர்களின் விழிகள் பிதுங்கி விடும்?
சரியா தவறா என சொல்வதற்கு கூட அஞ்சுவார்கள்.
ஒரு வகையில் அது நியாயமாக தெரியலாம்.ஆளும் கட்சிக்கு எதிரான கருத்துகளாக இருந்தால் அந்த கட்சியை சேர்ந்தவர்கள் வன்மம் வைத்து கழுத்தை அறுத்து விடுவார்கள்.ஜனநாயகத்தின் தவ புத்திரர்கள் தாங்கள்தான்  என் சொல்லிக் கொண்டே எல்லாவிதமான இம்சைகளையும் கொடுப்பார்கள்.
ஆனால் அவைகளை தாங்கிக் கொள்வது வீரம் உள்ள கலைஞனுக்கு அழகு!

இத்தகைய அழகு வாய்ந்த நடிகன் இருக்கிறான்.இங்கல்ல!

கேரளத்தில்!

அந்த மாவீரனின் பெயர் மோகன்லால்!

மார்க்ஸ்சிஸ்ட் கம்யூனிஸ்ட் கட்சியில் இருந்து விலகி 'புரட்சிகர மார்க்ஸ்சிஸ்ட் கட்சி ஆரம்பித்த டி.பி.சந்திரசேகரன் என்பவரை கண்டம் துண்டமாக வெட்டி கோரக் கொலை செய்திருக்கிறார்கள்.கம்யூனிஸ்ட் கட்சியில் உள்ள கோஷ்டி மோதலுக்கு ஒரு உயிர் பலி ஆகி விட்டது.ஒருவன் வெளி ஏறி  விட்டால் அவனைப் போட்டு தள்ளிவிடுவதா?

இதுதான் அவர்களது சித்தாந்தமா?

மோகன்லால் மனம் வெறுத்து அவரது இணைய தளத்தில் எழுதி இருக்கிறார்.

'' நான் என்னுடைய 52 வது பிறந்த நாளை கொண்டாடவில்லை.இருள் மேகம் சூழ்ந்த துயரத்தில் மூழ்கிவிட்டேன்.எனது அம்மா கடந்த மூன்று மாதங்களாக நினைவில்லாமல் மருத்துவ மனையில் இருக்கிறார்.என்னை ஆளாக்கி வளர்த்த பாசமலர்..ஆனால் தனது மகனை கொடிய கொலைக்கு இரையான  மகனைப் பார்க்கமுடியுமா?

இரண்டு அம்மாக்களின் நிலைமையை பாருங்கள்!

எனக்கு சந்திரசேகரனை தெரியாது.ஆனால் ஒரு உயிர்!

அவரைக் கொன்றவர்களால் ஒரு எறும்புக்கு உயிர் கொடுக்க முடியுமா?

அச்சமுடன் வாழ வேண்டியதாக இருக்கிறது.

இங்கே பாதுகாப்பு இல்லை.பயம்தான் இருக்கிறது''

இப்படியாக தனது கருத்தை பதிவு செய்திருக்கிறார்.

இங்கே நம்மவர்களால் இப்படி எழுத இயலுமா?

அந்த காலம் வருமா? வராது. 

No comments:

கோமாளி தேசத்து ராசாக்கள் .3

                   "என்ன ஆளுய்யா நீ..ஜெயமோகன் என்ன எழுதிருக்காருங்கிறத சொல்லாமல் எஸ்கேப் ஆயிட்டியே?"ன்னு கேட்பிங்க என்பது எ...