Saturday, May 5, 2012

துப்பாக்கி படமும்,பா.ம.க.வும்,,,,!

முதலிலேயே சொல்லிவிடுகிறேன் நான் விஜய்யின் ரசிகன் அல்ல.புகைப்பவர்களை ஆதரிப்பவனும் அல்லன்.

நான் ஒரு விமர்சகன்.பத்திரிகையாளன்.அவ்வளவே!

எனது மனம் என்ன சொல்கிறதோ அதை சொல்வதற்கு நான் தயங்குவதில்லை!

அண்மையில் துப்பாக்கி படத்தின் சுவரொட்டிகள்,புகைப்படங்கள் வெளியிடப்பட்டன. அதில் ஓன்று விஜய் சுருட்டு புகைப்பது மாதிரி!

இந்த படம் பார்கிறவர்கள் சுருட்டு குடிப்பதற்கு விரும்புவார்கள் என நம்பினால் அல்லது புகைக்கும் பழக்கத்தை தொடங்குவார்கள் என நினைத்தால்......!

அல்லது இந்த படம் படத்தில் இடம் பெறும் காட்சி என நினைத்தால் ...?

நாடு முழுவதும் மதுக்கடைகள் மக்களை சீரழித்துக் கொண்டிருக்கின்றன.நமது கண்களுக்கு முன்னர் நாளும் நிகழ்ந்து கொண்டிருகிற பேரழிவு! ஈரல் கெட்டு மரணத்தின் வருகையை பதிவு செய்து கொண்டிருக்கிறார்கள்.அவர்களைக் காப்பாற்றுவதற்கு பா.ம.க .உள்ளிட்ட எந்த கட்சியும் செயலில் இறங்கவில்லை.அறிக்கை,ஆர்ப்பாட்டம் என வெத்து வேட்டுக்களை வெடிக்கின்றனவே தவிர வேறென்ன செய்திருக்கின்றன!

சென்னை நூறடி சாலையில் ராமர கோவிலை அடுத்து டாஸ்மாக் .சாலிகிராமத்தில் கட்சிக்காரரின் இடத்தில் டாஸ்மாக்.அதுவும் பெண்கள் காய்கள் பழங்கள் வாங்கி செல்லும் கடை அருகில்!இப்படி நகர முழுவதும் மதுக்கடைகளை கட்சிக்காரர்கள் நடத்திவருகிறார்கள் அதாவது 'பார்'களை!

சுருட்டு புகைக்கும் படத்தைப் பற்றி அக்கறை கொள்ளும் பசுமைத்தாயகம் ,கண்களுக்கு முன் நிகழும் மதுக் கடை கேவலங்கள் பற்றி கடுமையான போராட்டத்தில் இறங்கினால் என்ன?

திரைப் படங்களினால்தான் நாடு குட்டி சுவராகிறது என்பது பா.ம.க.வினரின்  நெடுநாளைய குற்றசாட்டு.இப்போது அந்த கட்சியினர் இந்த குட்டிசுவராக்கும் துறைக்கு வந்திருக்கிறார்கள்.இக்கட்சியின் முன்னாள் நாடாளுமன்ற உறுப்பினர் ஒருவர் கொடி போட்ட காரில் வந்து சினிமா விழாவில் கலந்து கொண்டார்.  

இப்படி இருக்கும்போது பா.ம.க.ஏன் இரட்டை முகம் காட்ட வேண்டும்?

முதலில் மதுக் கடைகளை இவர்களால் ஒழிக்க முடியுமா?

ஆட்சிக்கு வந்தால் டாஸ்மாக் ஒழிப்புத் தான் முதலில் என சொல்வார்களேயானால் ,அது வரை மக்கள் ஈரல் கெட்டு சாவதுதான் விதியா?

நாளைக்கு கல்யாணம் கழுத்தே சும்மா இரு என்று சொன்னது போல் இருக்கிறது.

பா.ம.க.ஆட்சிக்கு வரும் என்பது கனவில் நிகழக் கூடியது!

No comments:

"நிர்வாணமாவதைப் போல உணர்கிறேன்"-தீபிகா

      இதுதான் காதலா.....தெரியவில்லை!       பாலிவுட் ரன்வீரும் தீபிகா படுகோனும் 'பத்மாவதி' படத்தில் நடித்திருக்கிறார்கள். முகலாய மன...