Tuesday, July 17, 2012

இனியும் திமுகவை நம்பலாமா?

''தனி ஈழம்தான் தீர்வு '' என சொல்லி டெசோ வை ஆரம்பித்தவர் ''இப்போது அதற்கான சூழ்நிலை இல்லை,அங்குள்ள தமிழர்களின் நலன் பாதுகாக்கப் படவேண்டும்.அதற்காகவே டெசோவை  கூட்டியிருக்கி றேன்,'' என புறம்  காட்டி இருக்கிறார் திமுக தலைவர் கருணாநிதி,

தண்டவாளத்தில் தலை வைத்து படுத்தவர்.

எதிரிகளால் தாக்கப் பட்டு தெரு ஓரம் கிடந்தவர்.

அடக்குமுறைகளால் பாதிக்கப் பட்டவர்.

நள்ளிரவில் அரக்கத்தனமாக கைதானவர்.

எதையும் மறக்கவில்லை நாம்! இவை எல்லாமே யாருக்காக?

தமிழர்க்கா? மொழிக்காகவா?

இல்லை ,சத்தியமாக இல்லை.தனது குடும்பத்தின் ஆதிக்கம் திமுகவில் இருக்கவேண்டும் என்பதற்காக அவர் அமைத்த வலுவான அடித்தளம்.
அதற்காக அவர் தமிழனை காவு கொடுத்தார்.மொழியை பின்னுக்கு தள்ளினார்.அவரின் லட்சியம் பதவி பணம் என்றாகியது.

மாவீரன் பிரபாகரன் மீது அவருக்கிருந்த காழ்ப்பு மாறி துரோகமாக உருவெடுத்தது.

இப்போதைய சூழலில் அவரால் மத்தியில் உள்ள காங்கிரஸ் கூட்டணி அரசை  பகைத்துக் கொள்ள முடியாது.ஊழல் வழக்கு அவரின் மகள் மீது  இருக்கிறது.
ஆகவே தனி ஈழம் பற்றி பேச முடியாது.              

அவர் மட்டுமல்ல ,ஆட்சியில் அமர்ந்திருக்கும் அதிமுகவும் பேச முடியாது.


எதிர்க்கட்சிகளாலும் பேச முடியாது.

தமிழனின்  வாழ்வுரிமையை மத்திய அரசிடம் திராவிட ஆட்சிகள் அடகு வைத்து  விட்டன.மத்தியில் எந்த ஆட்சி வந்தாலும் நாம் நிரந்தர அடகு ஜடங்கள்.

No comments:

திரிஷா வகையறாக்களை என்ன செய்ய ?

அடி வயிற்றில் அக்கினி...அதை பார்க்க பார்க்க வெறிதான் ஏறியது. சவுத் டில்லியில் ஒரு கொடியவன் வீதியில் படுத்துக் கிடந்த நாயை  செங்கலால்  அடி...