Thursday, September 20, 2012

லிண்டா! என்னை மன்னிப்பாயா!

 மிகப் பெரிய  வேன் !
 ஜார்ஜ் ரெனால்டு இண்டஸ்ட்ரி அருகே நிறுத்தப் பட்டிருக்கிறது.
 ஆலைக்கு செல்கிற ஆண்களும் பெண்களும் என்றும் இல்லாத திருநாளாய் அந்த வேனைப் பார்க்கிறார்கள்.
காதலனின் வலி அந்த வேனின்  உடலில் எழுதப் பட்டிருக்கிறது!
ஆச்சரியம் அலை அடிக்கிறது!
யார் அந்த லிண்டா?
அவளின் காதலன் யார்?
இப்படி கசிந்து உருகி எழுதி இருக்கிறானே!
"லிண்டா!என்னை மன்னித்து விடு!" என்பதாக !அப்படி என்ன பெரிய தவறிழைத் திருக்கப் போகிறான்?
காதலின் மாண்பினை ரசித்தபடியே செல்கிறார்கள்.
"லிண்டா!சில நேரங்களில் நான் முட்டாள்.மடையன் !
என்னுயிரிலும் மேலாக உன்னை நான் காதலிக்கிறேன்.
உன்னை நிறைய இழந்து விட்டேன்,
நாம் இழந்திருக்கிறோம்.
நான் உன்னுடன் வாழ வேண்டும்.
மணந்து கொள்ள மாட்டாயா அன்பே !"
இப்படி ஆரஞ்சு வண்ண நிறத்தில் எழுதி இருக்கிறான் !
அவனுக்கும் அவளுக்கும் மட்டுமே தெரிந்திருக்கிற "தவறை" அவன் வெளிச்சம் போட வில்லை.!
பகிரங்கப் படுத்த விரும்ப வில்லை,
அவளும் அதை விரும்ப மாட்டாள் என்கிற நம்பிக்கை!
இதுதான் உண்மையான காதலின் அடையாளம்.,
அவள் நிச்சயம் படித்திருப்பாள்.
அனேகமாக நாளை நன்றி தெரிவித்து எழுதினாலும் ஆச்சரியம் இல்லை!
வாழ்க காதல்! 

No comments:

திரிஷா வகையறாக்களை என்ன செய்ய ?

அடி வயிற்றில் அக்கினி...அதை பார்க்க பார்க்க வெறிதான் ஏறியது. சவுத் டில்லியில் ஒரு கொடியவன் வீதியில் படுத்துக் கிடந்த நாயை  செங்கலால்  அடி...