Saturday, September 29, 2012

நடிகர் திலகத்தின் நையாண்டி மேளம்.

திரைப்பட பத்திரிகையாளர்கள் தங்களுக்கென ஒரு சங்கத்தை அமைத்தனர்.அதில் அடியேனும் ஒரு பொறுப்பில் இருந்தேன்.சக நண்பர்களில் பிஸ்மியும் ஒரு பொறுப்பில் இருந்தார்.
"அண்ணன் கிட்ட நம்ம சங்கத்தைப் பற்றி சொல்லி அவருடைய வாழ்த்துகளை  வாங்கலாமா?"
யோசனை சொன்னேன்.
"வீட்டுக்கு போகலாம்.ஷூட்டிங் ஸ்பாட்னா  மத்தவங்களுக்கு இடைஞ்சலா இருக்கும்" என இன்னொருவர் சொல்ல எங்களின் ஜமா அன்னை இல்லம் நோக்கி சென்றது.
வீட்டில் இருந்தார் நடிகர் திலகம்.
"வாங்க ...என்ன இத்தனை பேர் மொத்தமா வந்திருக்கீக?"
அண்ணன் செம மூடில் இருக்கிறார் என்பதை அவர் வரவேற்ற பாங்கு எனக்கு சொல்லாமல் சொன்னது.
நெருங்கி பழகுகிறவர்கள் அதை கண்டு பிடித்து விடுவார்கள்.
"அண்ணே நாங்க சங்கம் ஆரம்பிச்சிருக்கோம் .இவர் நேர்மையா எழுதுறவரு!"என்று பிஸ்மியை அறிமுகப் படுத்தினேன்.
"ஒ ...அப்படியா..."என்றவாறே மற்றவர்களை பார்த்து"இவங்கல்லாம் நேரா எழுத மாட்டாங்களா?"என்றாரே பார்க்கலாம்.கொஞ்சம் கூட சிரிப்பைக் காட்டாமல் கேட்ட ஸ்டைல் இருக்கே.இன்னமும் பசுமையாக இருக்கிறது.அத்தனை பெரும் சிரித்து விட்டோம்.
"சிரிக்கிறீக.....ஏதும் தப்பா சொல்லிட்டேனா?"என அப்பாவியாக .எதுவுமே தெரியாததைப் போல் கேட்க ,  பத்திரிக்கை தொடர்பாளராக இருந்த இன்னொரு நண்பர் "நானும் இந்த சங்கத்தில இருக்கேண்ணே" என்று அந்த கேப்பில் அறிமுகப் படுத்திக் கொண்டார்.
"டே ..நீ பாக்கிற வேலை வேறயாச்சே ..உனக்கு எழுதக் கூட தெரியுமா?" என சட்டென கேட்டதும் அந்த ஏரியாவே கல கலப்பாகி விட்டது.
"அண்ணே ...ரொம்பவும் ஒடசல் பண்ணாதீங்கண்ணே !"என அந்த பி.ஆர்.ஒ.நண்பர் வழிந்தார்.
நடிகர் திலகத்தின் 84 வது பிறந்த நாள் அக்டோபர் 1-ம தேதி.
அவருடன் பழகிய அந்த நாட்களை மறக்கவே முடியாது.

No comments:

எடப்பாடியை மிரட்டும் எம்.எல்.ஏ.க்கள்.

மிரளுகிறவனை மயங்கி விழும் வரை வதைப்பதுதானே அரசியலில் முக்கிய பாடம்.! கடலில் விழுந்தவனுக்கு கட்டையை கொடுக்காமல் அதை காட்டி காட்டி காரியம் சா...