Tuesday, September 13, 2016

நாங்களும் சினிமா விழா கொண்டாடுவோம்ல!

கெளம்பிட்டாங்கய்யா .கெளம்பிட்டாங்கய்யா!

வடிவேலு ஸ்டைலில் சொன்னால்தான் ஒரு கிக். டாஸ்மாக் நாட்டில்  இப்படி ஒரு சினிமா விழா நடக்காமல் இருக்கலாமா என்று நினைத்தார்களோ  என்னவோ, கடந்த நான்கு ஆண்டுகளாக லெஸ்பியன்,ஓரினச் சேர்க்கை, பை-செக்சுவல்,திருநங்கை  தொடர்பான  குறும்பட  விழாவை  சென்னையில்  நடத்திக் கொண்டு இருக்கிறார்கள். சிறந்த படத்துக்கு ஒரு லட்சம் பரிசும்  உண்டு.!சென்னை ரெயின்போ நடத்திவரும் வித்தியாசமான  திரைப்பட விழாவுக்கு எத்தகைய  ஆதரவு  இருக்கிறது என்பது தெரியவில்லை.

அக்டோபரில் விழா.கண்டிப்பாக செல்லவேண்டும் என முடிவு எடுத்திருக்கிறேன்.எழுத்துலக வித்தகர்கள் சிலர்  அத்தகைய விழாக்களுக்கு  செல்வது வழக்கம் என்பதை  கேள்விப்பட்டிருக்கிறேன்.

பொதுவாக அனைத்துலக திரைப்பட விழா என்றால் ஒரு கும்பல் தேடித் போகும்!

தணிக்கை செய்யப்படாத படங்களை பார்க்க முடியும்  என சிலரும் 'எந்த  படத்தை  தமிழில் சுடலாம்' என ஒரு பிரிவினரும்  தாகத்துடன் செல்வார்கள். தற்போது இருபது வருடங்களுக்கு முந்தைய பிறமொழி படங்களை சுடுவதுதான்  அவர்களது சுகம். 

நவீன காலத்துக்கு ஏற்ப அந்த பழைய  படங்களுக்கு வர்ணம் அடிப்பது  சுலபம்!

விழாவுக்கு  சென்று வந்த பின்னர் விரிவாக எழுதும் ஆசை  இருக்கிறது. 

No comments:

உன் மீது மட்டுமா உன் மகன் மீதும்....!

படுக்கை அறையில் நீல நிற விளக்கு..வெகு நேரமாக சிரித்தபடியே  அந்த போம் மெத்தையை பார்த்துக் கொண்டிருக்கிறது. இன்னும் நள்ளிரவு ஆகவில்லை.மணி ப...