Sunday, September 18, 2016

அய்யர் வீட்டம்மாவும் மீன் வாசனையும்...!

ஞாயிறு...விடுமுறை நாள்.. நான்-வெஜ் விரும்பி ! பையை எடுத்துக் கொண்டு  புறப்பட்ட போது......

வீட்டுப் பூனையின்  குரல்..! " பொரட்டாசி  மாசம்! நெனவுல இருக்குல்ல.மனசில வச்சுக்கிட்டு  கடைக்கு போயிட்டு வாங்க!"

"தெரியும். சனிக்கெழமை நேத்தே  போயிருச்சி! உன்னால  நான்-வெஜ் சமைக்க முடியாதுன்னா இப்பவே சொல்லிரு. பாண்டியன் ஹோட்டலுக்குப் போயி பார்சல் வாங்கிட்டு வந்திர்றேன்!"

நெருப்பு மாதிரியான சூடு..வார்த்தைகளில்!

"சொன்னா கேக்கிற ஜென்மமா இருந்தா சொல்லலாம். வாக்கப்பட்டது கடுவன் பூனையா இருந்தா   கறியோ மீனோ அழுதுதானே ஆகணும்! போங்க  வாங்கிட்டு வாங்க.! சமைச்சு  கொட்டுறேன்! தின்ன வாயோடு கிட்ட வந்துடக் கூடாது. படுக்கை மச்சிலதான்!"

"அத அப்பறமா பாத்துக்கலாம்டி!'' சிரித்துக் கொண்டு மீன் மார்க்கெட் போனேன்.என்னை மாதிரி சாலிகிராமத்து ஆட்களுக்கு தெருஓர கடைகள்தான்! டைரக்டர் பாலுமகேந்திராவின்  ஸ்டுடியோவுக்கு  அருகில் தசரதபுரத்தில் இருக்கிறது.

வாவல் மீன் வாங்கவேண்டும்! கடைக்கார பெண்ணிடம் பேரம்  பேசிக் கொண்டிருந்தேன்! இல்லாவிட்டால் வீட்டம்மாவிடம் தனியாக வாங்க வேண்டியதுவரும்." மொகரக்கட்டையை பாத்துதான் கடைக்காரி காச புடுங்கியிருக்கா!" என்பதை  எத்தனையோ தடவை வாங்கிய தழும்புகள் நிறைய!

  பிராமணக்  குடும்பத்தை சேர்ந்த ஆச்சாரமான பெண்  மூக்கை  முந்தானையால் பொத்தியபடியே அந்த இடத்தை   கடந்து கொண்டிருந்தார்,

பரபரப்பாக நடந்துகொண்டிருந்த  அந்த  வியாபாரநேரத்திலும் மீன் காரம்மாவின்  கிண்டலுக்கு குறைவில்லை. பக்கத்தில் அமர்ந்திருந்த சக மீன்கார அம்மாவிடம்  " யக்கோவ்...அய்யரம்மா ...வடிகட்டி வாசம் புடிக்கிறதை பாத்தியா!" என்று சத்தமாகவே கமென்ட் அடிக்க எல்லோருமே  சிரித்தார்கள்.

அய்யரம்மாவுக்கு எப்படி இருந்திருக்குமோ , தெரியாது!

வீட்டுக்கு வந்த பிறகு வீட்டம்மாவிடமும் சொன்னேன்.

அவளும் சிரித்தாள்.

ஆனால் அந்த அய்யரம்மாவுக்கு எப்படி இருந்திருக்கும்? அதை நம்மில் எத்தனை பேர்  உணர்ந்து பார்த்திருப்போம்.?


"

2 comments:

Nat Chander said...

BRO WHATEVER BE YOUR AND OTHERS CRITICISM AGAINST BRAHMINS THIS COMMUNITY BEGINS TO SHINE WELL IN ALL FIELDS BY THEIR SHEER TALENTS PATIENCE PERSEVERANCE AND NOBILITY VAALI SUJATHA NANIAN SAAVI KAMAL LAKSHMI ANIRUDH SANTHOSH NARAYAN INFOSIS CHIEF NATRAYANAMOORTHY TCS CHANDRASSDEKARAN COGNIZANT LAKSHMI NARAYANAN BHARATHIAR AND LOTS MORE TO SPEAK OF BRAHMINS ACHIEVEMENT

Nat Chander said...

BRO WRITE ABOUT jeyanthi A BRAHMIN FROM NAMAKKAL WHO WAS AWARDED kalpana chawla
a few weeks back by tamilnadu govt
jeyanthi has been doing the work of vettians burning of corpses
unmindful of the criticisms jeyanthi has been doing this magnificent work>>>>>
but you do notwrite all these>>>

உன் மீது மட்டுமா உன் மகன் மீதும்....!

படுக்கை அறையில் நீல நிற விளக்கு..வெகு நேரமாக சிரித்தபடியே  அந்த போம் மெத்தையை பார்த்துக் கொண்டிருக்கிறது. இன்னும் நள்ளிரவு ஆகவில்லை.மணி ப...