Wednesday, March 8, 2017

இளையதளபதியும் நானும்...

முதல்வர் கலைஞர் பொற்கால ஆட்சியில்...

எனக்கு கலைமாமணி விருது வழங்கப்பட்டது.ஆளுநராக பாத்திமா பாபு . தங்கப்பதக்கம் வழங்கியவர் கலைஞர்.

சினிமா எக்ஸ்பிரஸ் ராமமூர்த்தி முயற்சியில் திரைப்பட வர்த்தக சபையில் எனக்கு பாராட்டுவிழா.

ஷங்கர்,பிரபு ,நெப்போலியன்,அர்ஜூன்,பிரகாஷ்ராஜ் ,கார்த்திக்,சரத்குமார், சந்திரசேகர்,மற்றும் அன்றைய பிரபலங்கள் அனைவரும் கலந்து கொண்டனர்.

முதல்நாள் இயக்குநர் எஸ்.ஏ.சந்திரசேகர் "என்ன பரிசு வேண்டும்?" என்று என்னிடம் கேட்டார்.

"நானும் அண்ணன் சிவாஜி கணேசனும் உங்களின் படப்பிடிப்பில் எடுத்துக்கொண்ட புகைப்படத்தை எனக்கு பரிசாக கொடுங்கள். அது போதும்" என்று சொன்னேன்.

என்னய்யா இப்படியும் ஒரு ஆளு இருந்திருக்கானேன்னு நினைக்கலாம். ஆனால் நானும் அண்ணனும் எத்தனையோ படங்கள் எடுத்துக் கொண்டிருந்தாலும் சலிப்பதில்லை.

விழாவுக்கு வந்த சரத்குமார் சார் குத்து விளக்கு கொடுத்தார்.தம்பி கார்த்திக் தங்க பிரேஸ்லெட் வழங்கினார், தனது பிறந்த நாளன்று அண்ணன் சிவாஜி  எனக்கு கொடுத்த தங்க சங்கிலியில் அவரது உருவம் உள்ள டாலரை இணைத்து அணிவித்தார். விஜய்யுடன்மேடைக்கு வந்த இயக்குநர் சந்திரசேகர்  நான் விரும்பிய படத்தை பரிசாக கொடுத்தார்.

அந்த புகைப்படம் இன்று என் கைக்கு கிடைத்தது. மகிழ்ச்சியை பகிர்ந்து கொள்கிறேன்.

No comments:

ரஜினியின் பேச்சும் தலைவர்களின் ரீ-ஆக்சனும்!

"நாட்டில் நிர்வாகம் சீர் கெட்டு இருக்கு."  என்பது சூப்பர் ஸ்டார் ரஜினியின்  பேச்சில் ஒரு முக்கியமான பாயிண்ட்.  பொதுவாக தமிழ்நாட...