Thursday, July 27, 2017

மைத்ரேயன் மத்திய மந்திரி ஆவாரா?

கிளி, குருவி ,ஜோசியம் பார்க்கிற காலமெல்லாம் மலை ஏறிப் போச்சு. இப்ப  நாட்டு நிலவரத்தைப் பார்த்தே 'அரசியலில் இப்படியெல்லாம் நடக்கப் போகுது'ன்னு சொல்லிடறாங்க.அவசரத்தில் கலியாணத்தைப் பண்ணி  சாவகாசமாக கவலைப்பட்டு என்ன ஆகப்போகுது.!

பிரதமர் மோடி கூப்பிட்டு அவசரம் அவசரமா ஓ.பி.எஸ் .டில்லிக்குப் போனாரே ..அப்படி என்ன தலைபோகிற காரியம்னு ஒருத்தரிடம் கேட்டேன்.

அரித்தால் அவன்தானே சொரிஞ்சிக்கனும்.அடுத்தவனைக் கூப்பிட்டு சொரிய  சொல்ல முடியுமான்னார் அந்தாளு!

"புரியலிங்க. விவரமா சொல்லுங்க"ன்னேன்!

"இன்னும் எத்தனை காலத்துக்கு இப்படியே ஓட்ட முடியும். சீக்கிரமா ஒன்னா  சேருங்கன்னு சொல்லப்பட்டதாம். ஓபிஎஸ் அணி எம்.பி.க்கள் ஆதரவு மட்டும்  இருந்தாப் போதும். தினகரன் ஆதரவு எம்.பி.க்கள பத்தி கவலைப்பட வேணாம். எடப்பாடியும் ஓபிஎஸ்.சும் சேர்ந்தாப் போதும். சட்டசபையில் ஒரே அணியா ஆகி  தினகரனை தனிமைப் படுத்திடுங்க. நீங்க ஒற்றுமையாக இருந்தால்தான்  இரட்டை இலை உங்களுக்கு கிடைக்கும்னு சொல்லப்பட்டதாம். சசிகலாவை  தனிமைப்படுத்த எப்படியெல்லாம் காயை நகர்த்தனுமோ அப்படியெல்லாம் காரியம் நடக்கிறதா சொல்லப்பட்டதாம்.இரண்டு அணியும் ஒன்னா சேர்ந்தால் மைத்ரேயனுக்கு மந்திரிபதவி கிடைக்கும்னு சொல்லப்பட்டிருக்கு. ஏன்னா  அவர் ஆரம்பகாலத்தில் ஆர்.எஸ்.எஸ்..அப்புறம் பிஜேபி.பிறகுதான் அதிமுக. அதனால அவருக்கு பதவி கிடைக்கலாம்னு அந்தாளு ஜோசியம் சொன்னார்.

"ஓ...அப்படியா, இந்த இரண்டு அணியும் ஒன்னா சேருகிற வரை ரெட்டை இலை தீர்ப்பு தள்ளிட்டே போகும்.உள்ளாட்சி தேர்தலும் சீக்கிரம் நடக்காதுன்னு  ஊகிக்க முடியிது. பரவாயில்ல.அந்தாளின் ஜோதிடமும்  ஓரளவுக்கு நல்லாத்தான் இருக்கு."

"மத்தியில் பிஜேபி கவர்மென்ட் இருக்கும்போதே தமிழ்நாட்டில் தேர்தலை நடத்தி முடிக்கணும்.அப்பத்தான் கால் ஊன்ற முடியும்னு நினைக்கிறதா  சொல்லலாம்.அதிகாரமும் பணமும் இருந்தால் போதுமே! சாதிக்க முடியும். அதுதானே அரசியல். ஜனநாயகம்னு பேசுறதெல்லாம் சும்மா!"
 

No comments:

எடப்பாடியும் ஓபிஎஸ்சும் மோதல்.கோமாளி தேசமாகிறது.!

வலைப்பூ வாசிப்பாளர்களே,                வணக்கம். வீட்டு விஷேசங்களுக்கு வருகிற சொந்தங்கள் " உங்க ஊர்ல டெங்கு எப்படி இருக்கு, எத்தனை பேர...