Wednesday, August 23, 2017

கவர்ச்சியின் உச்சமே ஆமி ஜாக்சன்!

பெண்ணின்  முகம் பார்த்து பேசுகிறவர்களும்  கள்ளத்தனமாக  ரசிப்பது  கண்களை இல்லை.!

மேடு பள்ளங்களை மேய்வதும்  ஒரு வகையில் ரசனைதான். படைப்பின்  அழகு  ஆராதிக்கப்படவேண்டியது.

"மதர்த்த மார்பகங்கள்"என்பான் கவிஞன். 'அவளுக்கு  ஏராளமான  மார்பகங்கள்" என்று சுஜாதா எழுதியதையும் ரசித்தார்களே! 'பசுமையின்  மணம் ' சாரு நிவேதிதாவின் 'ஜீரோ  டிகிரி'யில் பக்கத்துக்கு பக்கம் மணத்தது.  இன்றைய சினிமாவின் தவிர்க்க முடியாத அங்கம் மார்பகம் தானே! 'கிளிவேஜ்' காட்டாத நடிகைகள் இருக்கிறார்களா?

ரஜினிகாந்த் நடிக்கும் ஷங்கரின் படத்தில் ஆங்கிலேய நடிகை ஆமிக்கும்  முக்கிய பங்கு உண்டு. அவர் தற்போது ஆங்கில இதழ்   எப் எச் எம் என்கிற  இதழுக்கு  கொடுத்திருக்கிற  'போஸ்' பலரின் விழிகளை உயர்த்தி விட்டது. இங்கிலாந்து  நாட்டை சேர்ந்த நடிகைக்கு அது ஒன்றும் அசிங்கம் அல்ல.பிகினி தேசம்  தந்த கட்டுடல் தேகம்.

அது ரசிப்பதற்கே!

தற்போது  தங்களின் உதடுகளை  அறுவை சிகிச்சை வழியாக அழகு படுத்திக் கொள்கிறார்கள்.அனுஷா ஷெட்டி, இலியானா, டாப்சி  ஆகியோர்  உதடுகளை அழகு படுத்திக்கொண்டிருக்கிறார்கள். ஒருவேளை அது லிப்-லாக் காட்சிகளுக்கு பயன்படலாம்.

குப்பைக்குள் போன ஜெயாவின் கொள்கைகள்!

ஜெயலலிதா உயிருடன் இருந்தவரை பிஜேபியின்  ஆட்டம் எதுவும் அரங்கேற  முடியவில்லை. சாண் இடம் கொடுத்தாலும் சமுத்திரமே கொள்ளை போய்விடும் என்பதைஅறிந்து அவர்கள் ஒரு இடத்தில் கூட ஜெயித்து விடக்கூடாது என்பதில் உறுதியாக இருந்தவர். இதனால்  அவர் ஊழல்  குற்றம்  புரியாதவர் என்றாகிவிடாது.அது  நீதியின் தீர்ப்பு.!

இரும்பு மனிதர் என சொல்லப்படுகிற மோடியுடன் தைரியமுடன் மோதிய வலிமையான பெண் என்பதில் மாற்றுக்கருத்துக்கு இடம் இல்லை.

 அவரின் மறைவுக்குப் பின்னர்தான்  நிலைமை தலை கீழாக  மாறி இருக்கிறது. அவரது  மர்ம மரணம் குறித்து மக்களுக்கு இருக்கிற சந்தேகத்தின் பலனை அறுவடை செய்ய தயாராகியது  பி.ஜே.பி.! .அதற்கு  கதிர் அருவாளை  கொடுத்து  உதவுவதுதான்  எடப்பாடி ஓபிஎஸ் .அணி. அதுதான் சோகம்.

கமண்டலமும்  காவி உடையும் சீருடை என்றாலும் ஏற்கத் தயாராகி இருப்பவர்கள்தான்  ஆட்சியில் இருப்பவர்களும்!.

பஞ்சணையில்  மனைவி எத்தகைய நிபந்தனை விதித்தாலும்  'ஏன், எதற்கு " என்று கேட்காமல்  தேக சுகம்  தேடுகிற கணவனின் நிலையில்தான்   இன்றைய  அதிமுக அரசு இருக்கிறது.

 அவர்களுக்கு  தங்களின்அ ரசு காப்பாற்றப்பட வேண்டும்.!

தினகரனும் திவாகரனும் இணைந்து எத்தகைய முடிவுகளை  எடுத்தாலும்  அதை முறியடிப்பதற்கு ஆடிட்டர் குருமூர்த்தியின்  உதவி எடப்பாடிக்கு  கிடைக்கும்.இவருக்கு மத்திய அரசு கை கொடுக்கிறது .

தலைமையோ  சிறைக்குள்.! ஆலோசனை சொல்வதற்கு ராஜகுருவும் இல்லை.! அதனால் ஆளுக்காள் அறிக்கை விடுகிறார்கள்.

" தமிழக அரசுக்கு எதிராக  எதிர்க்கட்சிகள் நடத்துகிற  போராட்டத்தில்  நாங்களும்  பங்கேற்போம்" என்று சொல்கிறார் சசிகலாவின் சகோதரர் திவாகரன். எந்த குழுவை கூட்டி இத்தகைய முடிவை எடுத்தார்?அந்த போராட்டத்தை நடத்துவது திமுக என்பதை சொல்லித்தெரிய வேண்டியதில்லை.

ஜெயலலிதாவின்  ஜென்ம விரோதி திமுக!. ஜெ.வை போல  கடுமையாக  யாரும் திமுகவை விமர்சித்தது இல்லை. அத்தகைய கட்சியுடன் கை கோர்க்கத்தயார் என்றால் ஜெயலலிதாவின்  மொத்தக் கொள்கைகளும்  குழிக்குள் போய்விட்டன என்றுதானே அர்த்தம்.

அபாயத்தின் விளிம்பு நிலையில் இருப்பவர்களுக்கு ஜென்ம விரோதியும்  சிநேகிதர்கள்தான். அவர்களுடன் பால் பாயாசத்துடன்  பந்தியில்  சாப்பிடுவது  என்ன பஞ்சமா பாதகமா?

சசிகலா போட்ட கணக்கும் தினகரன் போட்ட கணக்கும்...!

"கெட்டவர்கள் தங்களுக்கே பொருந்தக்கூடிய சட்டத்தை  உருவாக்கிக்   கொள்கிறார்கள் "

சொன்னவன் பிளாட்டோ..தத்துவ ஞானி .

இந்தியாவின் இன்றைய நிலைமைக்கும்  பிளாட்டோ சொன்னதற்கும்   எந்த சம்பந்தமும் இல்லை என்று  இந்திய இறையாண்மை  மீது  சத்தியம்  பண்ணி விட்டு  சொல்ல விரும்புகிறேன்.

எடப்பாடியின் ஆட்சியின் மீது  கழுவிக் கழுவிக் குற்றப்பத்திரிகை  வாசித்த  அண்ணன் ஓபிஎஸ் அணியினர் இணைந்து பதவிகள் பெற்றதும், அதற்காக  ஓபிஎஸ்.க்கு பிரதமர் மோடி ஆசிர்வாதம் செய்ததும்  அடடே காட்சிகள்.

எடப்பாடியார் மீதும் அவரை சார்ந்த  கட்சி வி.ஐ.பி.கள் மீதும்  ஆர்.கே.நகர் இடைத்தேர்தலில் வாக்காள பெருமக்களுக்கு ஓட்டுக்கு பணம் கொடுத்ததாக  குற்றம் சாட்டப்பட்டதாக  ஒரு நினைவு. தமிழக அரசு தலைமை செயலராக  பணியாற்றிய ராம் மோகனராவ் வீடு, மற்றும் அவரது மகன் இதர உறவுகள்  வீடுகளிலும் வருமானவரித் துறையினர் சோதனை நடத்தியதாகவும் ஒரு  நினைவு. சுகாதாரத்துறை அமைச்சர் விஜயபாஸ்கர் வீட்டிலும் ரெய்டு  நடந்ததாக பத்திரிகையில் படித்த ஞாபகம். நத்தம் விசுவநாதன் பெயரும்  இதில் இருந்ததாக சொன்னார்கள். இப்படி எத்தனையோ நினைவுகள்.

எல்லாமே நீத்தார் நினைவுகள்.  

குழிகளை தோண்டினால் வெறும் எலும்புகளே!

"தனி மனித சிந்தனை இல்லாமல் சமூக சிந்தனையோடு மனிதன் வாழவேண்டும்" என்றான் அரிஸ்டாட்டில்.

மக்களின் நினைவாற்றல் நீர்க்குமிழியின் ஆயுளை விட குறைவே.!

அதனால் அவர்களுக்கு அவ்வப்போது  நினைவூட்டுகிறார் கமல்ஹாசன். அது அவரின் சமூக சிந்தனையின் வெளிப்பாடு..

பாவம் சுமக்காதீர்கள் என்று சொல்வது  என்ன  தேச விரோதமா?

ஊடக நண்பர் மைக்கை நீட்டி "கமல்ஹாசன் சொல்லும் குற்றச்சாட்டுகளை  மறுக்கிறீர்களா " என்று கேட்டால் அத்தனை அமைச்சர்களும் கேளாக் காதினராக காரின் கண்ணாடிகளை ஏற்றி விட்டுக்கொள்கிறார்கள். அவர்களில் ஒருத்தர்  "அவனுக்கென்ன பதில் சொல்ல?" என்று  மரியாதையை மென்று துப்புகிறார்.அவர்களைத்தான் 'மாண்புமிகு' என்கிறோம்.

உண்மையைச்சொல்வதென்றால் "இந்த பீரியடு ஆளும் கட்சி எம்.எல்.ஏ.க்களை  பேரதிர்ஷ்டசாலிகள் என்றே சொல்லலாம். அவர்களின் மதிப்பு  பிளாட்டினத்தின் பண மதிப்பை விட பன்மடங்கு உயர்வு. மன்னர்களை விட சக்கரவர்த்தி வாழ்க்கை. அத்தனை பேரும் சக்கரவர்த்தி திருமகன்கள்.!

"எடப்பாடியாரை  மாற்ற வேண்டும்'" என்று ஆளுநரிடம் கடிதம் கொடுத்திருப்பவர்கள்  கட்சி தலைமையிடம் அல்லவா கொடுத்திருக்க வேண்டும். அவர்களது சட்ட மன்ற பார்லிமெண்டரி குழுவின் தலைவரிடம்  கொடுக்காமல் ஆளுநரிடம் கொடுத்தது ஏன்?

பத்தினித்தன்மை காப்பவர்கள் என்கிற நம்பிக்கை இருந்திருக்குமேயானால்  அவர்களை புதுவையில் காவலில் வைத்திருக்க வேண்டாமே? அந்த உயர்தர  விடுதியில் அறையின் ஒரு நாள் வாடகை எட்டாயிரமாம். தனியார்  அலுவலக  தொழிலாளியின் ஒரு மாத சம்பளம்.!

ஆக அவர்களைத் தனியாக விட  முடியவில்லை. அவர்களை நம்ப முடியாது  என்று தினகரன் நம்புகிறாரா தினகரன்?

"தனியாக விட்டுப்பாரேன்.அவர்களை ஈரத்துணியால் கோழியை அமுக்குவதுபோல அமுக்குகிறோம்" எடப்பாடி அணி  என தயாராக இருக்கிறது.

இந்த நிலையில்தான் சசிகலாவின் சீராய்வு மனுவை உச்ச நீதி மன்றம் தள்ளுபடி செய்து நான்காண்டு ஜெயில் தண்டனையை  உறுதி செய்திருக்கிறது. அப்படியானால் ஒரு குற்றவாளியை  பொதுச்செயலாளர் என்று ஒப்புக்கொள்ள  தொண்டர்கள் தயாரா என்பது இனிதான் தெரிய வரும்.தினகரன் மீதான வழக்குகளின் நிலை எப்படி இருக்கும் என்பது  அவரது அணுகுமுறையை  பொருத்து அமையலாம்.

"சட்டரீதியான  எல்லா கதவுகளும்அவர்களுக்கு  அடைபட்டு விட்டன." என்கிறார்கள்.

ஆக தினகரன் ஆதரவு எம்.எல்.ஏ.க்களின் 'மனநிலை 'யில் மாற்றம் ஏற்பட வாய்ப்பு இருக்கிறது. எஞ்சிய நான்காண்டு  கால பதவியை இழக்க மாட்டார்கள்.

இதனால் எடப்பாடி-ஓபிஎஸ் பதவிகளுக்கு ஆபத்து இல்லை என்றே  சொல்லலாம். சசிகலாவை  பொதுச்செயலாளராக  தொண்டர்கள் ஏற்பார்களா என்பதும் சந்தேகமே.!

வால் அறுந்த நரியினால் வளைக்குள் இருக்கும் நண்டை பிடிக்க முடியாது.

''இவன் போட்ட கணக்கு அவள் போட்ட கணக்கு இரண்டுமே தவறாகியது"
என்று  கே.பி.எஸ்..பாடியது  நினைவுக்கு வந்து தொலைக்கிறது.

Sunday, August 20, 2017

பிஜேபி---அதிமுக கூட்டணியில் ரஜினி,ஜி.கே.வாசன்,ராமதாஸ் ?

எத்தகையவர்கள்  நம்மை ஆண்டு கொண்டிருக்கிறார்கள் என்பதை  இப்பவும்  தெரிந்து கொள்ளவில்லை என்றால் மக்கள் சிலுவை சுமப்பதில் தப்பு இல்லை  இரட்டை இலைக்கு ஓட்டுப் போட்டு ஜெ.வை ஆட்சியில் அமர்த்தினார்கள்.

அந்த அம்மாவின் மரணம் மர்மமாகியது. கட்சியின் இன்றைய நிலவரம்  மூன்று அணிகள். எம்.ஜி.ஆர். ஆரம்பித்த கட்சியை  ஜெ.தன்னுடைய  சர்வாதிகாரத்தினால்  கைப்பிடிக்குள்  வைத்திருந்தார். அவர் மறைந்தார். தற்போது  ஊரான் வீட்டு ஆட்டுக்குட்டியில் ஆளுக்காள் பிரியாணி வைக்கப்  பார்க்கிறார்கள். ஒன்றாக இருந்தவர்கள்  ஒருவர் மீது மற்றவர்கள்  குற்றம்  சாட்டுகிறார்கள். இதில் வேடிக்கை என்னவென்றால் ஜெ.யின் வாரிசு  சசிகலாவும் ,இளவரசியும்தானாம்அடுத்தவன் வீட்டு கோழிக்கு எவனெவன்  வீட்டிலேயோ மசாலா  அரைக்கிற கதை மாதிரி இல்லியா? . காமடி நடிகர் பவர் ஸ்டார் சீனிவாசன்  மந்திரியானால்  கூட  ஆச்சரியப்படக்கூடாது.

அணிக்கு ஆள் பிடிப்பதற்கே எத்தனையோ கோடிகள்  செலவு  என்கிறார்கள்.. இவ்வளவு பணமும் மக்கள் பணம்தான் என்பதில் யாருக்கும் சந்தேகம்  இல்லை.    இதையெல்லாம் கண்காணிக்கும் பொறுப்பில் இருக்கிற மத்திய அரசு கவலைப்படவில்லை. அவர்களின் கணக்குப்படி சசிகலா குரூப் தனிமைப் படவேண்டும். ஓபிஎஸ்-எடப்பாடி அணிகள் ஒன்றுபடவேண்டும். அந்த ஒன்று பட்ட அணிக்கு சட்டாம்பிள்ளையாக பிஜேபி இருக்க வேண்டும் என்பதுதான்.!

இப்படி சட்டாம்பிள்ளையாக பிஜேபி  அமைக்கும் கூட்டணியில்  பா.ம.க., த.மா.க. ஆகிய கட்சிகள் சேர்ந்து கொள்ளவேண்டும். அடே..பாவிகளா ! இப்படியெல்லாம் நடக்குமா? மதவாத கட்சிஎன்று சொல்லப்படுகிற கட்சியின்   தலைமை  டாக்டர் ராமதாஸ்க்கு பிடிக்குதா? ஜி.கே.வாசனும்  சேம் பிளட் தானா? என்ன பண்ணுவது ? எத்தனை காலம்தான் பதவி இல்லாமல் இருப்பது என்கிற 'தனிமை' அவ்வாறு முடிவு எடுக்க வைத்து விட்டதா?? தனித்துப் போட்டிதான் என்று சூடம் அடித்த மருத்துவர் அய்யாவை எப்படி பிஜேபி  வசியம்  செய்தது? பெரிய வித்தைக்காரர்கள்தான்.!

அப்படியானால்  ரஜினிகாந்த் தொடங்கும் புது கட்சியும் இந்த கூட்டணியில்  சேரலாம் அல்லவா? எப்படி 'சிஸ்டம்" ஒர்க் பண்ணுது பாருங்க! தமிழக அரசியலில் எத்தகைய அபூர்வ ராகங்கள்! கச்சேரி களை கட்டுமா என்பதை பொறுத்திருந்துதான் பார்க்க வேண்டும்.

சும்மா சொல்லக்கூடாது  மோடி, அமித்ஷா இருவரும் பலே சாணக்கியர்கள் தான் !

ஆட்சி அதிகாரம் பணம் எல்லாம் இந்த அணியில். இவர்களால் எதையும் சாதிக்க முடியும்.? எதிரி எவன்எ ன்பதை முடிவு செய்துவிட்டால் அவனை எப்படியும் சாய்க்கவேண்டும்.நியாயம் நேர்மை,தர்மம் எதையும் பார்க்கத்தேவையில்லை.

  திமுக கூட்டணி எப்படி இதை எதிர்கொள்ளப்போகுதோ?

Saturday, August 19, 2017

திரிஷா வகையறாக்களை என்ன செய்ய ?

அடி வயிற்றில் அக்கினி...அதை பார்க்க பார்க்க வெறிதான் ஏறியது.

சவுத் டில்லியில் ஒரு கொடியவன் வீதியில் படுத்துக் கிடந்த நாயை  செங்கலால்  அடித்துக் கொல்லுகிறான் . அதை  பக்கத்தில் நிற்கிற படுபாவி  பார்த்து ரசிக்கிறான்.

எதுக்குடா இந்த கொலை வெறி? பசிக்கு உணவாம்.! அட கழிசடைகளே!

நாய் அது வெறும் மிருகம் அல்ல.அது எங்கள் பைரவரின் வாகனம். காவிகளுக்கு பசு எப்படி கடவுளோ அதைப்போல எங்களுக்கு  நாயும்  கடவுள்தான்.!

 நாய் நன்றி உள்ளது. அது எஜமான விசுவாசம் உள்ளது. மனிதர்களுக்கு  காவல் தெய்வம். லஞ்சம் வாங்காது. உண்மையுடன்  உழைக்கும் .அதைப் போய் உணவாக தின்னலாமா..?

திரிஷா  வகையறாக்கள் மீது  எனக்கு கோபம். தட்டிக் கேட்டிருக்க வேண்டாமா? பொங்கி எழுந்திருக்க வேண்டாமா? அது டில்லி நாய் என்பதால்  அவருக்கு கோபம் வரவில்லையா? சென்னையில்  மாடியில் இருந்து  நாயை தூக்கி எறிந்தவனை கண்டித்தவர்களுக்கு டில்லி நாய்  மீது பாசம் இல்லாமல்  போச்சே? வன்மையாக கண்டிக்கிறேன்.

மற்றொரு வயிற்றெரிச்சல்.படிக்கும்போதும்  படங்களைப் பார்க்கும் போதும் எங்கெல்லாமோ எரிந்தது. இங்கிலாந்தை சேர்ந்த டி.வி.பிரபலம். பெயர் புரூசி. வயது  89.. நல்லபடியாக  போய் சேர்ந்துவிட்டார். நிஜமாகவே  நம்ம ஊர்  டி.வி. ஆளுங்கல்லாம் பொறாமைப் படனும்யா! எப்பேர்ப்பட்ட  சாதனைகள் செய்திருக்கிறார் தெரியுமா?

புரூசிக்கு அதிகாரப்பூர்வமான  மனைவிகள் மூன்று . இதில் 1964-ம் ஆண்டு உலக அழகி ஆன் சிட்னியும் ஒருத்தி.! இதல்லாம்  பத்தலைன்னு  எக்கச்சக்கமான வைப்புகள்.தொடுப்புகள். அடப்பாவி ! இத்தோடு நிறுத்தாமல் ஆண்களையும் ஆண்டிருக்கிறார். இதெல்லாம் சாதனைதானே!

 

Friday, August 18, 2017

இ..பி.எஸ். அணியில் ஸ்லீப்பர் செல்ஸ்! அடேங்கப்பா தினகரன்..

செத்த பாம்புக்கே  உயிர் கொடுக்கிறவர்கள்  மத்தியில்  எத்தனை மகுடி  ஊதி என்னங்க பிரயோசனம் என்கிற நிலைமைக்கு வந்திருக்கிறார்கள்  அதிமுக  தொண்டர்கள். " என்னய்யா  புருடா விடுறே?" என்று நீங்கள்  கேட்டாலும்  அதற்கும் பதில் இருக்கிறது. இங்கு யான் தொண்டர்கள் என நவின்றது  அமைச்சர் பெருமக்களையும் அவர் சார்ந்த  அடி ,பொடிகளையும்தான்! இதில்  வட்டம் ,கோணம், மாவட்டம் என்பதெல்லாம்  அடக்கம்.!

ஓபிஎஸ் அண்ட்  இ.பி.எஸ். இரு  கூத்தாடிகளும்   இன்று  மெர்ஜ் ஆவார்கள்  என்கிற நம்பிக்கை  எழுபது சதவிகித அரசியல்வாதிகளுக்கு  வந்து  இருக்கிறது. பிஜேபி .கொடுத்து வருகிற  அழுத்தம்தான் காரணம் என்பது அரசியல் கைப்பிள்ளைகளுக்கு தெரியாதிருக்க  வழி இல்லை.  இவர்கள்  சேர்ந்தால்தான்  உள்ளாட்சி தேர்தல் நடக்கும். அப்படி நடந்தால்தான் பிஜேபி  கூட்டணி அமையும். அதிமுக தலைமையில் அமையும் அந்த கூட்டில்  சேர முடியும் என உதிரிப்பூக்கள் காத்திருக்கின்றன.ஜெ.சமாதியில் இன்று  மிகப்பெரிய நாடகம் நடக்கும் என்று எதிர்பார்க்கலாம்  மக்களே!
தினகரனின் பூச்சாண்டி!
-------------------------
"அப்படியா  நீங்க ரெண்டு பேரும் ஒண்ணா சேர்ந்திடுவிங்களா ...சேர விட்ருவனா? ஸ்லீப்பர் செல் வச்சிரிக்கேன். சின்னம்மா  சிக்னல் கிடைச்சிருச்சி. ஆபரேசன் ரெடி" என்று அனஸ்திஸ்யா வை  கையில் வைத்துக்கொண்டு  கத்தியை ஆட்டிக்காட்டுகிறார். சமாதியில்  ஓங்கி  அடித்து  ஒன்னரை டன் வெயிட்டுக்கு  சபதம் செய்த  சசி யால் அமைதியாகவும்   இருக்க முடியாது.  இவர்களின்தொ டர் நாடகங்களால் பிக்பாஸ் ரியால்டி ஷோ மொக்கையானாலும் ஆச்சரியம் இல்ல.

நமக்கென்ன டவுட்னா  இத்தனை மாதமா   தடயங்களை அழிக்காமல் வெச்சிருப்பாங்களா? ஜெ.சிகிச்சைக்கு  எங்கேய்யா வீடியோ ஆதாரம்னு கேட்டப்பவே  சுதாரிச்சிருக்கமாட்டாங்களா ? சகுனி மட்டும் உயிருடன்  இருந்திருந்தால் இவர்களிடம்தான் குருகுல வாசம். சி.பி.ஐ. வந்தால் கூட  திக்கு முக்காடி கிறுக்கு பிடித்துப் போய்விடுவார்கள். தடயம் எதுவும்  கிடைக்காமல் எய்ம்ஸ் மருத்துவமனையில் காவடி எடுக்கவேண்டியது வரும்..
மதுசூதனன் தலைவர்?
-----------
இணைப்புக்கு பிறகு  மது சூதனன்தான் அவைத்தலைவர் .ஓபிஎஸ் அணிக்கு  இரண்டு மந்திரி பதவி என்று முடிவு செய்திருப்பதாக சொல்கிறார்கள். இது  உண்மையா, உதாரா என்பது விடிந்தால் தெரிந்துவிடும். போயஸ்கார்டன் ஜெ.வீடு  சட்டப்படி  ஜெ.யின் அண்ணன் பிள்ளைகளுக்குத்தான் போய்சேரவேண்டும். அதை பறித்து  நினைவிடம் என்று  அறிவிப்பது  நியாயமா, தர்மமா? ஜெயலலிதா  எப்படிப்பட்ட  ஆள். எம்.ஜி.ஆரை பற்றி  ராஜீவ்காந்திக்கே  புகார் எழுதியவர் ஆச்சே. அவர்  உயில் எழுதாமல்  இருப்பாரா? அப்படியே  எழுதியிருந்தாலும்  அது  மன்னார்குடி பெருங்குடி  மக்களுக்கு தெரியாது  போகுமா  ..அதை எந்த நேரத்தில் வெளியிடவேண்டும்  என்பதற்கு டைம் டேபிள் போட்டிருப்பார்களே ? அவர்கள் பிக் பாஸ் களுக்கும் பெரிய  எக்ஸ்ட்ரா லார்ஜ்  பிக்பாஸ்கள் சுவாமிகளே!!

ராயப்பேட்டை அதிமுக அலுவலகத்தில் என்ன கூத்து நடக்குமோ என்பது தெரியவில்லை.

நாளை தினகரன் தவுசண்ட்வாலா வை வெடிக்காமல் விடமாட்டார். 

Wednesday, August 16, 2017

எடப்பாடியுடன் இறுதிப் போருக்கு தயாராகிறார் தினகரன் !

தமிழக அரசியலில் நாள்தோறும் மாற்றங்கள். அதிலும்  ஆளும் கட்சியான  அதிமுக அம்மா அணியில் அதிரடியான நகர்வுகள்.

"என்ன செஞ்சிருவாய்ங்க..பார்த்திருவோம் .நாங்களும்  ஆதாரங்களை  வெச்சிருக்கம்ல!" என்று  எடப்பாடி அணியினர்  தெம்பாகவே  இருக்கிறார்கள். ஆனாலும் உள்ளுக்குள்  உதறல் .தங்களிடம்  ஆமாம்  சாமி  எம்.எல்.ஏ.க்கள் 115 பேர்கள்தான் இருக்கிறார்கள். தற்போதைய  நிலையில்  மைனாரிட்டி அரசு.!அவர்களையும் எவ்வளவு  நாளைக்குத்தான்  பத்திரப்படுத்தி வைக்க முடியும்? மைனாரிட்டி  அரசு ஆகிவிட்டது  என்பது  தினகரனுக்கு  தேன் குடித்த மாதிரி இருக்கிறது. அவரிடம் இருபது எம்.எல்.ஏ.க்கள்  இருக்கிறார்களே. இவர்களை வைத்து  பெரிய ஆட்டம் காட்டலாமே என்று அவரும் பல திட்டங்களை  வைத்திருப்பார் அல்லவா?  !

வாயிலேயே  ஏழரையை வைத்திருக்கிற  மந்திரி சீனிவாசனும்  அவர்கள் அரசு மைனாரிட்டி அரசுதான் என்பதை பார்த்தசாரதி கோவிலில் வைத்து  அந்த பகவான் முன்னிலையிலேயே சொல்லி விட்டார். ஆண்டவனின் சாட் சியை நீதிமன்றம் ஏற்காது. இதனால்  எடப்பாடியின்  ஒரே  நம்பிக்கை ஓபிஎஸ்.தான்! அவரின் ஆதரவு கிடைத்தால்தான்  பதவி  தப்பும்.! அதற்காக  அந்த அணி வைக்கும் கண்டிசன்களையும் ஏற்பதற்கு  தயாராகத்தான் இருக்கிறார்கள்..ஜெயலலிதாவின் மர்ம மரணம் பற்றி சி.பி.ஐ  விசாரணை என்பதில் தீர்மானமாக  ஓபிஎஸ். இருக்கிறார். இதற்கு  எடப்பாடி  சம்மதம் சொல்லிவிட்டால் என்ன ஆகும் என்கிற  அச்சம் தினகரன்  அணிக்கு  இருப்பதால்தான்  தங்களிடம்  ஜெயலலிதா சிகிச்சை வீடியோ  இருப்பதாக  தினகரன் அணியை விட்டு சொல்ல வைத்திருக்கிறார்கள்.

அதிலும் வில்லங்கம் இல்லாமல் இல்லை.

எதற்காக வீடியோ எடுக்கப்பட்டது. அதை இத்தனை நாட்களாக  சொல்லாமல் மறைத்து வைத்திருந்தது எதனால் என்கிற கேள்வி எழும்.ஒரு முதலமைச்சருக்கு அளிக்கப்பட்ட சிகிச்சையை  ஆட்சிக்கு சம்பந்தம் இல்லாத ஒருவர் எடுப்பதற்கு அனுமதி அளித்தது யார் ? அரசா? அமைச்சரா? எந்த கட்டத்தில் எடுக்கப்பட்டது என்று கேட்க மாட்டார்களா? அதை  மோடிஜி அரசு  பார்த்துக்கொள்ளும் என்று விட்டு விடுவோம்.

ஆனால்ஓ பிஎஸ் அணியில் இருந்து சிலரை உருவும் வேலையிலும் தினகரன் இறங்கியிருக்கிறார். என்பதால்  எடப்பாடியிடம் சமரசம் பேசுகிற அவசரமும் அவசியமும் ஏற்பட்டிருக்கிறது.

இந்த சமரசம் ஏற்படாவிட்டால்  எடப்பாடியை  கண்டிப்பாக தினகரன்  கவிழ்த்து விடுவார், கட்சிக்கும் ஆட்சிக்கும் சம்பந்தம் இல்லை என்று தினகரன் வெடியை சொருகி வைத்திருப்பதே அதற்குத்தான்.
.  

Tuesday, August 15, 2017

பணம் கொடுத்தால் எம்.எல்.ஏக்களை வாங்கலாம்.!

பகிரங்கமாக சொன்னால் என்ன , உள்ளர்த்தம் வைத்துச்சொன்னால்  என்ன?

விடை ஒன்றுதானே!

தமிழகத்தில் நடந்து வரும் அதிமுக அம்மா அணி ( ? ) ஆட்சியில்  ஊழலும்   அதிகார அத்து மீறலும் சாதாரணமாகி விட்டது என்று  கமல்ஹாசன்  சொல்லி  வருவதற்கு ஆள்வோரே  ஆதாரங்களாகி வருகிறார்கள். இதை என்னவென  சொல்வது? ஒட்டிக் கப்பலுக்கு ஒன்பது மாலுமி  என்பது சரியாக  இருக்குமோ?

திருவல்லிக்கேணி பார்த்தசாரதி கோவிலில் அன்னதானம். சுதந்திர நாள் அல்லவா...தானம் பெறும் நிலையில்தானே இந்திய மக்கள் இருக்கிறார்கள் என்பதை சிம்பாலிக்காக சொல்கிறார்கள் போலும்.! திண்டுக்கல் சீனிவாசன்  வந்தார். யாராவது அமைச்சர் வந்துதான்  தானம் செய்வதை தொடங்க வேண்டும்  என்பது அரசின் சட்டமோ என்னவோ? முடிவு பெற்ற பாலத்தை அடைத்து வைத்துவிட்டு போக்குவரத்து நெரிசலுக்கு   போலீஸ் காரணமாக இருக்கிறது. மந்திரி வந்து கையை வைக்கவேண்டுமாம்.

மந்திரி சீனிவாசனிடம் வழக்கம் போல வாயைப் பிடுங்கினார்கள் பத்திரிக்கை  நிருபர்கள்.

"தினகரனின் மேலூர் கூட்டத்துக்கு எம்.எல்.ஏக்கள்  போயிருக்கிறார்களே?"
இது ஒருவரது கேள்வி. இதற்கு மதியூகி மந்திரி சீனிவாசன் சொன்ன பதில்.

" நீங்கள்லாம்  சின்ன பிள்ளைங்க.உங்களுக்கு தெரியாது. எங்களுக்கு  இன்னும் ரெண்டு எம்.எல்.ஏ.க்கள்தான் தேவை. எதுவோ  பாதாளம் வரை பாயும்னு  சொல்வாங்களே! அது உங்களுக்குத் தெரியாதா? எங்கிருந்தாலும்  அவங்க  வரமாட்டாங்களா என்ன?"

இந்த பதிலில் மறைந்திருக்கிற நீதி என்ன மக்களே! பாதாளம் வரை பாயும் என்பது எது? இது கூடவா சின்னப்பிள்ளைகளான மக்களுக்கு தெரியாது போகும். படிக்கிற மக்களுக்கும் தெரியாமல் போகுமா?

இப்படி பகிரங்கமாக பேரம் பற்றி ஜாடையாக சொல்கிற மந்திரியைப்  போற்ற  வேண்டும். இன்னும் பல உண்மைகளை இப்படி ஜாடையாக சொன்னாலும்  நீதியும் கண்டு கொள்ளாது.மத்திய அரசும் கண்டு கொள்ளாது.
    

Monday, August 14, 2017

சுதந்திரம் கிடைச்சிருச்சா ....எங்கே இருக்கு?

இப்படி ஒரு தலைப்பில்தான் பட்டி மன்றம் ( சரிதானா சிலர் பட்டி மண்டபம்னு சொல்றாங்களே?) கடந்த எழுபது வருசமா நடந்துகிட்டு இருக்கு. முடிவுதான்  ஒவ்வொருத்தரும் வேற வேறயா சொல்லிட்டிருக்காங்க.

ஒருநாள் லீவு . பசங்களுக்கு மிட்டாய்.அன்னிக்கி டாஸ்மாக் மூடி இருக்கும், குடிக்க கார்ப்பரேசன் வாட்டர் இல்ல. அப்படியே  கிடைச்சாலும் அதை காய்ச்சித்தான் குடிக்கணும்.மந்திரிகள் சொன்ன உறுதி மொழியெல்லாம் எதுவுமே நடக்கல .மனுஷன் வேக்காடுல கிடக்கிறான்.கரண்டு அது இஷ்டப்பட்டால்தான் வரும். ஓட்டலுக்கு போனாலும் வரி. நமக்கு  சேவை  செய்யப்போறதா சொல்லி சட்டசபைக்கு போனவன் கோடீஸ்வரன். ஆயுசு முழுக்க பென்சன் ஆனா .உயிர் போறவரை உழைக்கிறவனுக்கு பென்சன் கிடைக்கிறதில்ல. இங்க ஆள்கிறவன்தான் எல்லா வசதிகளையும்  அனுபவிக்கிறான்.அவனுக்குத்தான் நாம்ப அடிமைகளா வாழ்ந்திட்டிருக்கிறோம். தட்டி கேட்டால் ,எழுதினால் போலீசை விட்டு  அடிக்கிறான்.கைது பண்றான்.

நமக்காக ஒரு ஆள் தட்டிக் கேட்டால் உனக்கு அரசியல் தெரியுமான்னு  அதட்டுறான்.மத்த நாடுகளின் சுதந்திரதின கொண்டாட்டங்களை  டி.வி.யில்  பார்க்கிறபோது பொறாமையா இருக்கும். அவங்க எவ்வளவு மகிழ்ச்சியா  கொண்டாடுறாங்க.முகத்துல எவ்வளவு மகிழ்ச்சி. ஆனா அந்த மாதிரி  சந்தோசம் கொண்டாட்டம் ஏன் நம்ம நாட்டில இல்ல. செத்தவனுக்கு வெடி வெடிச்சு ஆட்டம் போட்டு கொண்டுபோகிற அளவுக்குகூட இல்லாமல்    சுதந்திரம் பெருமை இழந்து போச்சா? மனசை யாரோ  சம்மட்டியால்  அடிக்கிற மாதிரி இருக்கு!

தப்பு நடந்திருக்குன்னு சீப் செக்ரட்டரி மேல கேஸ் போட்டாங்க. குவாரி கொள்ளைகளை கண்டுபிடிக்க சகாயம்னு ஒருத்தரை நியமிச்சாங்க, சி.எம். சாவில் மர்மம் இருக்கு .சி.பி.ஐ .விசாரணை வேணும்னு  முதலில் ஓபிஎஸ் கேட்டார். அதை கடுமையா கண்டிச்ச டி.டி.வி.தினகரன் இப்ப  நீதி விசாரணை  வேணும்கிறார். ஜெயலலிதா சாகும்வரை கூடவே இருந்த சசியின் உறவுக்காரர்தான் இவர். இத்தனை மாதம் ஜெயலலிதா சாவு  பற்றி இம்மாதிரி  எதுவும் சொல்லாத ஆள் ஏதோ ஆதாயம் இல்லாமல் இப்படி சொல்வாரா? அரசாங்கம் போட்ட அத்தனை கமிசன்களும் ஏதோ ஒரு கமிஷன் கருதி  போடப்பட்டு இருக்கிறதா நினைச்சா அது என்ன தப்பா? இம்மாதிரியான  அரசியல்வாதிகள் வளர்ந்து இருக்கிற மாதிரி நேர்மையான அரசியல்வாதிகள் ஏன் வளரல?

"கூவத்தூர் விடுதியில் அப்படியே நாங்க விட்டுப்போயிருந்தால் இன்று ஆட்சியில் அமர்ந்திருப்பியா? " என்று எடப்பாடியை பார்த்து அதே கட்சிக்காரர்  தினகரன் கேட்கிறார்னா  கூவத்தூரில் அப்படி என்னதான் நடந்துச்சு. ?ஒரு சுதந்திர நாட்டில் ஊழல்களுக்குத்தான் சுதந்திரமா, சுரண்டலுக்குத்தான்  சுதந்திரமா? கொள்ளையர்களுக்குத்தான் சுதந்திரமா? புரியலைங்க.

சுக்கான் பிடிக்கத்தெரியாதவனிடம்  கப்பலை ஒப்படச்சிட்டோமோன்னு மக்கள் கவலைப்படுறாங்க.அதனால்தான்  சுதந்திர தினத்தை மகிழ்ச்சியோடு  ஜனங்க கொண்டாடல.வெடி வெடிகள். ஒவ்வொரு வீட்டிலும்  கொடி பறக்கல.

Sunday, August 13, 2017

மூக்குப் பொடி சித்தர் ஆசியால் ஆட்சி கவிழுமா?

"புலனைந்தும்  பொறி கலங்கி நெறி மயங்கி ,அறிவழிந்திட்டு  ஐம்மேலுந்தி அமைந்த போதாக  அஞ்சேல்"  என்று தோன்றிய  ஐயாறப்பர் போன்று  மூக்குப்பொடி சித்தர் அபயம் அளித்திருக்கிறாரா  டி.டி.வி.தினகரனுக்கு!

திருவண்ணாமலை சென்று அந்த சித்தருக்கு முன் பயமும் பக்தியும் கலந்து  சம்மணமிட வேண்டிய அவசியம் ஏன் வந்தது?

சொடக்குப் போட்டு மந்திரிகளை ஆட்டுவித்த அந்த பத்து விரல்களும் ஒன்றையொன்று கோர்த்தபடி அவரிடம் யாசித்தது  என்ன?

யார் அந்த மூக்குப்பொடி சாமியார்?

அவருக்கு வயது எண்பத்து ஐந்து என்கிறார்கள்.விழுப்புரம் மாவட்டம் ,சின்ன சேலம் பக்கமாக ராஜபாளையம் என்கிற கிராமத்தைச் சேர்ந்தவராம். இயற்பெயர்  மொட்டையாடி கவுண்டர். நாற்பது  வருடங்களுக்கு முன்னர்  மனைவி இறந்துவிட்டார் .

 மனையாளை இழந்தவனின் வாழ்க்கையானது  வாழ்கிற போதே அனுபவிக்கும் சித்ரவதையாகும். என்னதான் செல்வமும் சிறப்பும் இருந்தாலும்  மனைவி இல்லையேல் நீ  உயிர் உள்ள சவம்தான்! இது எனது  அனுபவம்.

துணையை இழந்த கவுண்டர் அப்படியே பொடி நடையாக திருவண்ணாமலை  சென்று விட்டார். யாரிடமும் பேசுவதில்லை.எவரிடமும் யாசிப்பதில்லை. பசித்தால் ஏதாவது ஒரு உணவு விடுதிக்குள் சென்று புசித்துவிட்டு காசு கொடுக்காமல் வந்து விடுவார். எங்கேயாவது கட்டையை சாத்தி உறங்கி விடுவார்.திருவண்ணாமலையில் இது சாத்தியமே.

தானே புயல் வருவதற்கு முன்னர் கடலூர் சென்று கடற்கரையில்  நின்று  "எதற்கு சினம்? சீற்றம் கொள்ளாதே!" என சொல்லிவிட்டு வந்தாராம்.ஆனால் புயல் அடித்தது.

1000.500, ருபாய் தாள்களை திருவண்ணாமலை சாலையில் நின்று  கிழித்து  எறிந்தாராம். செல்லாது என அரசு அந்த நிகழ்வுக்குப் பின்னர்தான்  அறிவித்தது என்கிறார்கள்.

அதனால்தான்  சித்தரை சந்தித்துஆசி பெற்றார் தினகரன் என்கிறார்கள்  அவரைச்சார்ந்தோர்.

எதற்காக ஆசி?

ஆளுனரை சந்தித்து தமிழக அமைச்சரவையை மாற்றி அமைக்கக்கோரும் கடிதம் கொடுக்கப்போகிறார் என்கிறார்கள்.

இதற்கான அனுமதியை பொதுச்செயலாளர் கொடுத்திருப்பதாக சொல்கிறார்கள்.செங்கோட்டையன் புதிய முதல்வர் என்பது தூண்டில்!

பொதுச்செயலாளர் நியமனமே செல்லாது என தொங்கலில் கிடக்கிறபோது  ஆளுநர் தினகரனின் கடிதத்தை ஏற்பாரா?

ஏற்காவிட்டால் தினகரன் ஆதரவு எம்.எல்.ஏக்கள் எடப்பாடிக்கு  கொடுத்துக்கொண்டிருக்கிற ஆதரவை விலக்கிக்கொள்வர். ஆட்சிக்கு ஆபத்து.

இதை பிஜேபி எப்படி அனுமதிக்கும்? தனது பினாமி கவிழ்வதை வேடிக்கை பார்க்குமா?

பார்க்காது. யாரையாவது மிரட்டி பணிய வைக்கலாம்.

மேலூர் தினகரன் பொதுக்கூட்டம் நடப்பதற்கு முன்னதாக ஏதாவது நிகழும். பார்க்கலாம்.




Monday, August 7, 2017

அதிமுகவை கை கழுவுகிறாரா தினகரன்?

" தீய சக்திகளிடம் இருந்து அதிமுக.காப்பாற்றப்படும்" என்று  எந்த நேரத்தில்  சிறையில் இருக்கிற சசிகலா சொன்னாரோ ..அன்றே ஆரம்பமாகி விட்டது  ஏழரை.!

தீய சக்திகள்னு சொன்னது ஓபிஎஸ்.சையா, அல்லது எடப்பாடி அணியையா  என்கிற சந்தேகம் வந்தாகணும். ஆனால்  இந்த இரண்டு  அணியையும்  நீக்கிவிட்டு  பார்த்தால்  அந்த கட்சியில் மிச்சம் இருப்பது  மன்னார்குடி  உறவுகள் மட்டும்தான்! அந்த இரு அணியினரும்  சசி-அண்ட் -தினகரன்  கம்பெனியை  கழற்றி விட்டுத்தான் கட்சியை நடத்த விரும்புகிறார்கள். அவர்களிடம்தான் பெரும்பான்மையான  எம்.எல்.ஏக்கள்  இருக்கிறார்கள். அவர்களை தீய சக்தி என சொல்லிவிட்டு  இரட்டை இலையை  சசி  பெற முடியாது.

சசி குறிப்பிடுவது  பிஜேபியைத்தான் என்பதற்கு  ஜோதிடம் பார்க்க வேண்டியதில்லை. பிஜேபியின்  ஆதிக்கத்தில்தான் எடப்பாடி இருந்துவருகிறார் என்கிறார்கள். அந்த கட்சியினால்தான்  தங்களுடன்  எடப்பாடியும்  ஓபிஎஸ்.சும் ஒத்து வரவில்லை .அதனால்  தங்கள்  உறவுகள்  மத்தியில் இருக்கிற  சண்டை சச்சரவுகள் அகல வேண்டும் என்று சசி  விரும்பியதால் திவாகரன்-தினகரன்  சமரசமானார்கள்.  ஆனால்  எடப்பாடி  இணங்குவதாக இல்லை. இதனால்  தினகரன்  புதிய பொறுப்புகளை  சிலருக்கு வழங்கினார்கள். சில எம்.எல்.ஏக்கள் பொங்கினார்கள். பொங்கிய பாலில்  தண்ணீரை தெளித்ததும் அடங்குவதைப்போல  எம்.எல்.ஏக்களையும்  அடக்க தற்போது  தீந்தமிழன் தினகரன் பேரவை  என்கிற  புதிய  அமைப்பு  உருவாகி இருக்கிறது.

நீங்கள் ஓபிஎஸ்,இபிஎஸ் தீபா  இவர்களினால் அப்செட் ஆகிவிட்டீர்களா , ஒரு  மிஸ்டு கால் கொடுங்க. தினகரன் பேரவை  அரவணைத்துக்கொள்ளும் .திராவிட கலாசாரத்தை ஆரிய கலாச்சாரத்துக்கு  காவு கொடுக்க மாட்டோம் என்கிற ரீதியில் திராவிட தலைவராக தினகரனை  அறிவித்திருக்கிறார்கள். அதிமுகவில்  இத்தகைய பேரவைகளை உருவாக்குவதற்கு  அவர்களின்  சட்டம்  அனுமதிக்குமா?

  எம்.ஜி.ஆர்.மன்றங்கள்தான் பின்னர் பெரும் சக்தியாக மாறி  அதிமுக  என்கிற  மிகப்பெரிய சக்தியாக உரு பெற்றது. ஆட்சியையும் பிடித்தது. அதைப்போல  தீந்தமிழன் தினகரன் பேரவை  யும் உருப்பெற்று  ஆட்சியைப்பிடிக்குமா ? அப்படியானால் அதிமுகவை  தினகரன்  கைகழுவுவாரா ....அட போங்கய்யா! காமடி பண்ணாதிங்க என்று சொல்வதும்  காதில் விழுகிறது.

Friday, August 4, 2017

மந்திராலயம் ...ஆன்மீகப் பயணம்.

என்னமோ  தெரியவில்லை. இந்த ஆண்டு பிறந்த நாளினை மந்திராலயத்தில்  வைத்துக் கொண்டால் என்ன என்று தோன்றியது. அது எனது நெடுநாள்  ஆசையும் கூட!

தொடக்க காலத்தில் ரஜினிகாந்த் அங்கு  சென்று வந்ததால் ஏற்பட்டிருந்த  ஆசை.! அண்மையில் அவரை சந்தித்து  பேசிக்கொண்டிருந்தபோது ஆன்மீகம் பற்றிய பேச்சும் வந்தது..அப்போது என் பயணத்தைப் பற்றியும்   சொன்னேன். அவரிடம் பேசி முடித்துவிட்டு வீட்டுக்கு  வந்ததும் எனது பெயரனிடம் சொல்லி  மந்திராலயம் சென்று வருவதற்கான ரயில் பயண சீட்டுகளை முன்பதிவு செய்து கொண்டேன்.

இரண்டு மாதங்கள் சென்று  ஜூலை ௨௦ -ம் தேதி  சென்னை எழும்பூரில்  இருந்து  மந்திராலயம் பயணம் தொடங்கியது. சென்னை- மும்பை  தாதர்  சூப்பர் பாஸ்ட் எக்ஸ்பிரஸ் காலை ஆறு ஐம்பதுக்கு  புறப்பட்டது. பயணித்தது  இரண்டடுக்கு ஏசி பெட்டி. வசதியாகவே இருக்கிறது. ஆனால் டாய்லெட்  மிகவும் மோசம்.நோய்  தொற்று ஏற்படும் அபாயம்  இருக்கிறது. பயணிகள்  முன் எச்சரிக்கையுடன் செல்வது நல்லது. பேப்பர் படிப்பதற்கு  மட்டும் அல்ல  'அதற்கும் "மேலாக ...! புரிந்திருக்கும்.

தமிழக எல்லையை கடந்ததும் ஏர்டெல் சேவை துண்டிக்கப்பட்டது. ஆந்திராவுக்கு தனியாக கட்டணம் செலுத்த வேண்டும் என்பது  மந்திராலயம்  அடைந்த பின்னர்தான் தெரிந்தது. தமிழகத்தைப் போல ஆந்திராவும்  வறட்சிதான்! ஆனால் காற்றாலை வழியாக  மின்சாரம் தயாரிப்பதில்  அவர்கள் முக்கிய கவனம் செலுத்துகிறார்கள் என்பதை  வழி  எங்கும்  பார்க்க  முடிந்தது.

மாலை  நான்கு மணி ஐம்பது நிமிடம். மந்திராலயம் சாலை . சின்ன ஸ்டேஷன்தான். ஐந்து நிமிடம் நேரம்தான் அங்கு ரயில்  நிற்கிறது. வெளியில் வந்தால் ஆட்டோ, பஸ், டாக்சிகள். ஆட்டோக்களில் ஆட்களை வழிய வழிய  ஏற்றுகிறார்கள். நான் இருநூறு ரூபாய் கொடுத்து தனி ஆட்டோவில்  சென்றேன். சாலைகள் பள்ளமும் மேடுமாக இருப்பதால் பத்து நிமிடம் அவஸ்தை. ஆனால் அதற்கு பின்னர் சீரான சாலைகள். ராயல சீமை என்பதால்  வறுமையின் நிறம் தெரிந்தது. இதனால்தானோ என்னவோ அதானி குழுமத்தின்  கால்கள் அங்கும் பதிந்திருக்கிறது. பெரிய போர்டு வைத்திருக்கிறார்கள்.

சாலையின்  இரு பக்கமும் சாணக்குவியல்கள். பொட்டுப் பொட்டாக  விழுந்த  மழையில் சாணத்தின்  'மணம்."

மந்திராலயத்தில்  தனியார்  லாட்ஜ்களை விட  ராகவேந்திரர் மடம் நடத்தும்  தங்குமிடம் தரமாக இருக்கிறது. ஆனால் அறை கிடைப்பது  குதிரைக் கொம்பு. துங்கபத்ரா நதியின்  இக்கரையில்  ராகவேந்திரர் ஆலயமும்  அக்கரையில்  கர்நாடகாவும்  இருக்கிறது. நதியில் நீரோட்டம் இல்லை. குட்டையாக  தேங்கி கிடக்கிறது. குளிப்பதற்கு நல்ல தண்ணீர்  கிடையாது. குடிப்பதற்கு மினரல்  வாட்டர்  பாட்டில்கள்.! கொள்ளை விலை இல்லை. ஓட்டல்களிலும்உ ணவில் கடுமையான காரம். மந்திராலயத்தில்  மதியம் இலவச உணவு. சாம்பார்  காரம் என்பதை மறந்து விடக்கூடாது. . ஊரே  வந்து சாப்பிடுகிறது. நல்ல  காரியம்தான். அவர்கள் வழங்கும் குடிநீரை  வாங்குவதற்கு  வெளியில்  ஐந்து  ரூபாய்க்கு பிளாஸ்டிக் டம்ளர் கிடைக்கும். டாஸ்மாக்கில் கிடைக்குமே அதே மாதிரியான  டம்ளர்தான். தொட்டுக்க காய்கறி  இல்லை. காரணம் என்னவென  தெரியவில்லை.

நான் சென்றிருந்தபோது  ஏகாதசி என்பதால் கோவிலில்   பிரசாதங்கள் வழங்கப்படவில்லை.. மாலை மயங்கிய நேரத்தில் ஆலயம் சென்றேன். அவ்வளவாக  கூட்டம் இல்லை.இரண்டு  முறை  தரிசனம்  செய்ய முடிந்தது.
அவ்வப்போது  மின் தடை. சாலைகளில்  குறுக்கும் நெடுக்குமாக  மாடுகள். ஊரும் அவ்வளவாக பெரிதில்லை. சின்ன சின்ன சந்துகள். இதுதான்  மந்திராலயம்.

ஆலயத்துக்குள் செல்வதற்கு முன்னரும் பின்னரும்  புகைப்படம் எடுத்து தருகிறவர்களின் அன்புத் தொல்லை. இருபது ரூபாய்க்கு ஒரு படம். அரைமணி நேரத்தில் கிடைத்து விடுகிறது.

இன்னும் அனுபவம்  இருக்கிறது.

Wednesday, August 2, 2017

கட்சி அலுவலகத்தை தினகரன் கைப்பற்றுவாரா?

"கோவம் வேணாம்டி ..என் கோல மயிலே! நான் கூட்டியாந்திருக்கிறது  உன்னோட தங்கச்சியைத்தான் ! ஒரு வாரம்  உன்னோட.!மறுவாரம்  அவளோட ! இப்படி படுக்கைய பங்கு போட்டுக்கலாம் " என்று என்னதான்  மந்திரிச்சாலும் எந்த பொம்பளையும் சரின்னு சொல்ல   மாட்டாள். தங்கச்சியா இருந்தாலும் அவளுக்கு பெயர் சக்களத்திதான்!ஒரு முழப் பூவில்  இரண்டு அங்குலம்  குறைஞ்சாலும் " நேத்து வந்தவ உசத்தியா போயிட்டாளாக்கும். எங்கிட்ட இல்லாதத அவ கிட்ட என்னத்தய்யா கண்டுட்டே?"ன்னு நாலு இடி வாங்காம இருக்க மாட்டான் புருசன்காரன்.!

அந்த மாதிரி ஆகிப்போச்சு எடப்பாடியாரின் நெலமை.!

அம்மாவின் சாவில் மர்மம்னு பொங்குன ஓபிஎஸ்.ஒரு பக்கம். "நீங்க  ரெண்டு  பேரும் சேர்ந்துடுவீங்களா ...நாங்க விட்ருவமா?"...நாங்கதான்யா அதிமுக !அசல் வாரிசு"ன்னு குமுறும் தினகரன் கோஷ்டி இன்னொரு பக்கம்னு  ரெண்டு கோஷ்டியும்  எடப்பாடியின் இடுப்பில் ஏறி உட்கார்ந்து கொண்டு ஏழரையை கூட்டி  வருகிறார்கள்.அப்பனே மட்டையை பிடிச்சிக்கிட்டு தொங்குறானாம்.மகனோ  நல்ல நெத்துக்காயா ரெண்டு பறிச்சு போடுய்யான்னானாம்  மகன்.அப்படி ஆகிப்போச்சு பழனிச்சாமியின் நெலமை.

போதாக்குறைக்கு கமல்ஹாசன் வேற. ''ஊழலோ ஊழல் எல்லாமே ஊழல்"னு  சங்கு ஊதுகிட்டிருக்கிறார்.

"எது எப்படியா இருந்தாலும் சரி. தினகரனை கத்திரிச்சிவிட்டுட்டு  ஓபிஎஸ்  அணியோடு சேர்! அப்பத்தான் ரெட்டை எலை கிடைக்கும்.நாங்களும்  கூட்டணி  வச்சிக்குவோம். இல்லேன்னா வருமானவரி இலாகாவை  அவுத்து  விட்ருவோம்"னு பிஜேபி மெரட்டுது. ஜனநாயகத்தை கொன்னுட்டு  ஏக பாரதம்னு காவியை கட்டிவிடப் பாக்குது.அழிந்த கொல்லையில் குதிரை மேஞ்சா என்ன கழுத மேஞ்சா என்ன? அப்படி ஆகிப்போச்சுங்க தமிழ்நாட்டு நெலமை.!

ஆகஸ்ட் ஐந்தாம் தேதி அதிமுக தலைமை அலுவலகத்துக்குள்  தினகரனை  அனுமதிக்காவிட்டால் முப்பத்தி ஐந்து எம்.எல்.ஏ.க்களுடன்  கவர்னர்  மாளிகைக்குள் புகுந்து எடப்பாடிக்கு கொடுத்த ஆதரவை விலக்கிக் கொள்றோம்னு மனு கொடுக்க தினகரன் தயாராக இருக்கிறாராம்.. அதுக்காக  கூவத்தூர் ஸ்டைலில் ஆதரவு எம்.எல்.ஏ.க்களை  ஒரே இடத்தில் வைக்கவும்  திட்டம் ரெடின்னு சொல்றாங்க. இதையெல்லாம் எடப்பாடி எப்படி சமாளிக்கப் போறார்னு தெரியல.

எடக்கு பண்ணினா இப்படியும் பண்ணுவோம்னு  வருமானவரித்துறையை வச்சு  ரெட்சிக்னல் காட்டுது மத்தியில் குந்தியிருக்கிற அரசு. .டாக்டர் மந்திரியின் நூறு ஏக்கர் நிலம், கல் குவாரிய  முடக்கி போட்டு  கபர்தார்னு கழுத்தில கத்தி.! உடனே தனக்குள்ள  பவரை காட்டி தமிழக அதிகாரியை ட்ரான்ஸ்பர் பண்றார் மந்திரி.

கட்சியும் ஆட்சியும் எங்கள் கையில என்று எடப்பாடி அணி டிக்ளேர் பண்ணினால் ரெண்டுமே எங்க கையிலதான்னு தினகரன் சைடில் உறுமல். ஆதியில் வந்தவ வீதியில்  நிக்கிறாலாம்.நேத்து வந்தவ நெல்லு குத்துராளாம் என்கிற கதை இங்க நடக்காது என்று  நெஞ்சு நிமிர்த்துகிறார்கள் தினகரன் ஆட்கள்.

என்னமோ தெரியலிங்க. இன்னும் ரெண்டு நாளில் ஒரு ரகளை நடக்கும்னு  தெரியிது.ஐந்தாம் தேதி கட்சி ஆபீஸ் பக்கம் வராம டூர்  போறேன்னு  தினகரன்  கிளம்புனா  ஆள் ஜகா வாங்குறார் .தாக்குப்பிடிக்க மாட்டார்னு புரிஞ்சிக்கலாம்.

கவர்ச்சியின் உச்சமே ஆமி ஜாக்சன்!

பெண்ணின்  முகம் பார்த்து பேசுகிறவர்களும்  கள்ளத்தனமாக  ரசிப்பது  கண்களை இல்லை.! மேடு பள்ளங்களை மேய்வதும்  ஒரு வகையில் ரசனைதான். படைப்பின்...