ராஜ்கிரண் ஆவேசம் : கோவிலில் கொள்ளை அடிக்கிறார்களே!

தமிழ் நாட்டின் கோயில்களில்,
கோபுரங்களைத்தவிர,
எல்லாவற்றையுமே,
காலங்காலமாக
திருடிக்கொண்டிருக்கிறார்கள்...

இந்த திருட்டில் சம்பந்தப்பட்ட
முக்கிய புள்ளிகள் யாரும்
இன்னும் கைது செய்யப்பட்டதாக
தெரியவில்லை...அப்படியே கைது செய்யப்பட்டாலும்,
பிடிக்க வேண்டிய ஆட்களை பிடித்து,
கொடுக்க வேண்டியதை கொடுத்து,சுலபமாக தப்பித்து விடுகிறார்கள்...கபாலீஸ்வரர் கோவிலில், மாமன்னர்
ராஜராஜன் காலத்தில் வைக்கப்பட்ட,
விலை மதிப்பற்ற மயில் சிலையை,
"அது வெறும் 350 ரூபாய் மதிப்புள்ளது"
என்று, நா கூசாமல், நீதிமன்றத்திலேயே
பொய் சொல்கிறார்கள்...
"இந்து மதத்துக்கு ஒன்று என்றால்"
என்று பொங்கும் புரட்சியாளர்களும்,
இந்து மதக்காவலர்களும்,
இந்து மதத்தலைவர்களும்,
ஆழ்ந்த மவுனத்தில் இருக்கிறார்கள்...

அவர்களுக்கு தேவைப்பட்டால்,
கோவில்களை இடித்து லாபமடையவும்
தயாராகி விடுகிறார்கள்...

பொன் மாணிக்க வேல் ஐயாவின்
பதவிக்காலம் எப்பொழுது முடியும்
என்பதை மட்டும், வேக வேகமாக எண்ணிக்கொண்டிருக்கிறார்கள்...
இதற்குள் உள்ள மர்மம் என்ன...

 

பத்திரிகையாளர்களை கடுமையுடன் சாடும் கங்கனா ரனாவத்

வாய்த்துடுக்கு எப்போது வாய்க்காலாக மாறியது என்பது தெரியவில்லை.

கங்கனா ரனாவத் எப்போதுமே பிரச்னைக்குரிய நடிகைதான்  என்பார்கள். 

பிரச்னைக்குரிய நடிகையை ,பிரச்னைக்குரிய நடிகை-தலைவி ஜெயலலிதாவின் வாழ்க்கை வரலாறு படத்தில் இயக்குநர் ஏஎல் விஜய் தேர்வு செய்திருப்பது பொருத்தமானதுதான்.!

ஜான்சிராணி பயோபிக் படத்தில் நடித்த பிறகு அவருக்கும் பத்திரிகையாளர்களுக்கும் இடையேயான உறவில் விரிசல்  விழுந்தது.

அது நாளடைவில் பிளவுபடும் என யாரும் எதிர்பார்க்கவில்லை.

விமர்சனம் என்பது பூச்சொரிதல் இல்லை என்பதை அனைவருமே அறிந்திருப்பார்கள். 

தவறுகளை மென்மையாகத்  தட்டுவதும் வன்மையாகத் தட்டுவதும்  அந்தந்த பிரச்னைகளை பொருத்தது.

யாரும் கல் எறிவதில்லை. ஏறிகிறவர்கள் எழுதத் தெரியாதவர்களாக இருப்பார்கள். 

போகிறபோக்கில் டிவிட்டரில் நாலு எழுத்தைத் தட்டிவிட்டுப் போகிறவனெல்லாம் பொறுப்புள்ளவன் என நினைப்பது  தவறு.

 மலம் தொட்டு எழுதுகிறவர்களை பத்திரிகையாளர்களுடன் இணைத்துப் பேசுவது மன்னிக்க முடியாத தவறு.

அந்த மாபெரும் குற்றத்தைத்தான் மணிகர்ணிகா நடிகை கங்கனா ரனாவத் செய்திருக்கிறார்.

தனிப்பட்ட ஒருவர மீதுள்ள கோபத்தை மொத்த பத்திரிகையாள சமூகத்தின் மீது காட்டியிருப்பது மாபெரும் குற்றம்.

"பத்திரிகையாளர்கள் கரையான்கள்.போலி தாராளவாதிகள், துரோகிகள்,சாப்பிடுவதற்காகவே பிரஸ் கான்பரன்ஸ் வருகிறவர்கள்" என இழித்துப் பழித்திருக்கிறார்.

"மன்னிப்புக் கேட்கவேண்டும் "என்று மும்பை பத்திரிகையாளர்கள் போராடி வருகிறார்கள்.

ரஜினியின் 'காவலர்களும்' மோடியின் 'சவுக்கிதாரும்.!

சூப்பர் ஸ்டார் ரஜினிகாந்த் அரசியலுக்கு வரவேண்டிய அழுத்தத்தைக் கொடுத்தது  வேறு யாருமல்ல பிரதமர் மோடிதான் என்கிறது அரசியல் வட்டாரம்.

ஆனால் சாமர்த்தியமாக  தனது என்ட்ரியை சட்டசபைத் தேர்தலுக்கு  ரஜினி தள்ளி வைத்திருப்பதற்கு  காரணமும் மோடிதான்!

பாராளுமன்றத்தேர்தலில் மோடி வெற்றி பெற்றால் கட்டாயம் ரஜினி களம் இறங்கியாக வேண்டும். இல்லையேல் தமிழத்தில் பிஜேபியின் கிளையாக ரஜினியின் புதிய கட்சி அமையவேண்டும். 

இதைத்தான் மோடியுடனான ரஜினியின் சந்திப்பில் பேசி இருக்கிறார்கள்.

"மன்றத்தினர் இனி ரசிகர்கள் இல்லை.அவர்கள் காவலர்கள்" என ரஜினி அறிவித்தது மோடியின் ஐடியாதான்.

அதைத்தான் மோடி இன்று சொல்லியிருக்கிறார்.தன்னை சவுக்கிதார் என்று சொல்லிக்கொள்வதன் காரணம் இப்போது புரிந்திருக்கும்.

இந்தியில் 'சவுக்கிதார்' என்றால் ஆங்கிலத்தில் 'வாட்ச்மேன் 'என அர்த்தம். தமிழில் 'காவலர்' என பொருள்.

ஆக ரஜினியின் 'காவலர்களும்,மோடியின் காவலர்களும் ஒரே அணியினர்தான் !

ஆக சாணக்கியம் எங்கிருக்கிறது?

மோடியிடம் இருக்கிறது.

அமலாபாலின் அலைச்சறுக்கு

நடிக்கத்தான் வாய்ப்புகள் இல்ல.உல்லாசமாக விளையாடவாவது  செய்யலாமே என்கிற ஆசை இருக்கத்தானே செய்யும்?
அமலாபாலுக்கும் அத்தகைய ஆசை! கடந்த ஆண்டு இரண்டே படங்கள்.
தற்போது கையில் 'அதோ அந்த பறவை போல,' 'ஆடை'என இரு படங்கள்.
2017-ல் இயக்குநர் ஏஎல்.விஜய்யை காதலித்து மணந்து கொண்டவர்தான் இந்த அமலாபால். ஆனால் இரண்டு ஆண்டுகளிலேயே கல்யாண வாழ்க்கை கசந்து விட்டது. விஜய்யின் குடும்பத்தின்  கட்டுப்பாடுகள் பிடிக்கவில்லையோ என்னவோ பிரிந்து விட்டார்.
அதன் பிறகு காடு கடல் நாய் என புகைப்படங்கள் எடுத்து தனது சோசியல் மீடியாவில் வெளியிடுவது வாடிக்கையானது..தற்போது அலைச்சறுக்கு விளையாட்டு படத்தை வெளியிட்டிருக்கிறார்.

நடிகை இரண்டாவது குழந்தை பெத்துக்கலாமா?

வயசென்னா முப்பத்திஎட்டா?
புள்ள பெத்துக்கக் கூடாதா...?
எவஞ்சொன்னான்?
கடவுள் போட்ட பார்டரே நாப்பது வயசுதானேய்யா.!அதான் வாரணம் ஆயிரம் ,அசல் பட நடிகை சமீரா ரெட்டி ரெண்டாம் தடவையா மசக்கையா இருக்கு.2014-கல்யாணம். அடுத்த வருசமே ஆம்பள புள்ள. இப்ப மறுபடியும் உண்டாகி இருக்கு. இது பொம்பள புள்ளயா இருக்கணும்னு ஆசையாம்.
நடத்தும்மா நல்லா ! 

ராகுல் காந்தியை டி.என்.எ சோதனை செய்ய சொல்கிறது பிஜேபி.

அரசியல் என்பதற்கு அநாகரீகம் என இன்னொரு பெயரும் சொல்லிக்கொள்ளலாம்.
ஆனால் அசிங்கம் என்பது தேர்தல் காலங்களில் சர்வ சாதாரணமாக நடக்ககூடியதுதான். நாலாந்தர அரசியல் வாதிகளினால் மட்டரகமாக அரசியல் தலைவர்கள் விமர்சிக்கப்படுவார்கள்.
காலம் காலமாக இருப்பதுதான்.!ஆளும் கட்சியின் கையில் அதிகாரம் இருக்கிறது என்பதால் முதல் அசிங்கம் அங்கிருந்துதான் வரத்தொடங்கும்.
அதற்கு பதில் சொல்கிறேன் என சொல்லி எதிர்க்கட்சிகளின் தரப்பில் இருந்து அடுத்த அசிங்கம் வீசப்படும்.
இப்படி இரு தரப்பினருமே அசிங்கங்களை அள்ளி பூசிக் கொள்வார்கள்.
இவர்களில் யாருக்கு முதல் பரிசு என்பதை நாம்தான் முடிவு செய்ய வேண்டும்.
அண்மையில் நிகழ்ந்த விமானப்படைத் தாக்குதலில் பாக் பயங்கரவாதிகள் 300 பேர் வரை கொல்லப்பட்டிருக்கலாம் என செய்திகள் வந்தன.
இதைப்பற்றி ராணுவ அதிகாரி ஒருவர் "இந்த எண்ணிக்கை பற்றி அரசுதான் சொல்லவேண்டும்.  இலக்கு சரியாக தாக்கப்பட்டதாஇல்லையா  என்பதைப் பற்றிதான் நாங்கள் சொல்லமுடியும்"என சொல்லிவிட்டார். 
ஆனால் பாகிஸ்தான் அரசு "எங்கள் வனப்பகுதியில் குண்டு வீசி மரங்களை நாசமாக்கிவிட்டார்கள்"என குற்றப்பத்திரிகை தாக்கல் செய்திருக்கிறது.
இதை குறிப்பிட்டு மரணமடைந்த பயங்கரவாதிகளைப் பற்றிய விவரங்களை ராகுல் காந்தி  கேட்டிருக்கிறார்.அதாவது ஆதாரம் கேட்டிருந்தார்.
இப்படி கேட்டது சரியா இல்லையா என்பதை பிரதமர் மோடி விளக்குவதுதான் நியாயம்,நேர்மை.!
ஆனால் மத்திய அமைச்சர் ஆனந்தகுமார் ஹெக்டே என்பவர் கண்ணியத்தின் உச்சத்துக்கே சென்று விட்டார்.

"ராகுல் காந்தி ஒரு பிராமணர்தான் என்பதற்கான டி.என்.ஏ சர்டிபிகேட் காட்ட வேண்டும்."என்றதுடன் நில்லாமல் முஸ்லீம்-கிறித்தவ கலப்பு என சொன்னதுதான் ....ச்சே! 

"பரதேசி,பாரீனர் "என்றெல்லாம் சொன்னவர்தான் இந்த மாண்புமிகு மத்திய அமைச்சர். எனவே ஆனந்தகுமார் ஹெக்டேயின் தரம் எத்தகைய உயர்வானது என்பதையும் சிறிது கூட வருத்தப்படாத பி.ஜே.பி.யின் அரசியல் நாணயம் பற்றியும் அறிந்து கொள்ளவே இந்த பதிவு.!

சிந்திப்போமாக.

தொண்டர்கள் திமுக அணி பக்கம்.! செயலாளர்கள் அதிமுக அணி பக்கம்.விஜயகாந்த் திண்டாட்டம்.

வைதேகியின் கண்களுக்கு  மாயமான் தெரிந்ததைப் போல இன்று திமுக அதிமுக கட்சிகளுக்கு தெரிகிற மாயமான்தான் தேமுதிக,.
கேப்டன் என்கிற ஒற்றை மனிதனின் கடுமையான உழைப்பில் உருவான இயக்கம்தான் தேமுதிக. 
அவரது மன்றத்தினரை கட்டுக்கோப்பான ராணுவமாக வளர்த்த பெருமை விஜயகாந்த் ஒருவருக்கு மட்டுமே உரியது. அவரது உழைப்பின் பலனை அரசியலில் அனுபவிக்க இன்று யார் யாரோ வருகிறார்கள். 
தேர்தலில் சரியான முடிவு எடுக்க முடியாமல் திணறுவதற்கு அங்கே சிறந்த அரசியல் ஆலோசகர்கள் இல்லாமல் போய் விட்டார்கள்.
ஒரே நேரத்தில் எதிரெதிர் அணியினரிடம் பேசுகிற அளவுக்கு தேமுதிகவின் நாகரீகம் இருக்கிறது.
"துரை.முருகன் திமுகவைப் பற்றி என்னிடம் பேசியதைச் சொன்னால் அசிங்கமாகிவிடும்"என்கிறார் விஜயகாந்தின் மைத்துனர் எல்.கே. சுதீஷ். 
"துரை.முருகனிடம் தேமுதிகவை சேர்ந்த அனகை முருகேசன்,இளங்கோவன் இருவரும் பெர்சனலாகத்தான் பேசி இருக்கிறார்கள்.கட்சி தொடர்பாக பேசவில்லை"என அழுத்தம் கொடுத்து சுதீஷ் பேசியதை பக்கத்தில் இருந்த முருகேசன், இளங்கோவன் இருவரும் மறுக்கவில்லை.
அவர்களும் அதையே சொன்னார்கள்.
ஆனால் துரை முருகனோ"என்னிடம் பெர்சனலாகப் பேசுவதற்கு எத்தகைய முகாந்திரமும் இல்லை.அவர்களை முன்னும் பின்னும் பார்த்ததில்லை என்கிறார். இதுமட்டுமல்ல "தேமுதிக தொண்டர்கள் திமுக கூட்டணியைத்தான் விரும்புகிறார்கள். மாவட்ட செயலாளர்கள் அதிமுக கூட்டணியை விரும்புகிறார்கள்" என்று அவர்கள் சொன்னதாகவும் துரை முருகன் சொல்கிறார்.
ஆக தொண்டர்கள் பக்கம் தேமுதிகவின் செயலாளர்கள் இல்லை. அவர்கள்  பணபலம் மிகுந்த அணியை விரும்புவதில் ஆச்சரியம் இல்லைதான்.! ஆனால் முடிவு எடுக்கமுடியாமல் திணறுவது ஏன்?
பாமகவை விட குறைந்த எண்ணிக்கையை தேமுதிக பெறுவதற்கு தயார்தான் ஆனால் வேறு வகையில் காம்பரமைஸ் பண்ணுவதில் அவர்களுக்கு பிரச்னை என்பது புரிகிறது.
அது கேபினட் பெர்த் ஆக இருக்கலாமா?