ஞாயிறு, 17 டிசம்பர், 2017

ஒரே நாளில் ஒரு கோடியா..... கொடுமையடா கோபாலா!

                    வானத்தில் பறந்த சைத்தானை  ஏணி வைத்து ஏறக்கியதைப்  போலாகி  இருக்கிறது  ஆர்.கே.நகரில்.! கடந்த இடைத் தேர்தலில்தான்  கத்தை  கத்தையாய் புத்தம் புது ரூபாய் நோட்டுகளை கொடுத்தார்கள் என்று ரத்து செய்தார்கள். மந்திரி ,அதிகாரிகள் என மாட்டினார்கள்.ஆனால் அவர்கள் மீது எத்தகைய நடவடிக்கையும் இல்லாமல் மறுபடியும் இடைத்தேர்தல் நடத்தினால் நேர்மையுடன் நடக்குமா? கள்ளப் புருசனை கண்டும் காணாமல்  விட்டால் சொந்தப் புருசனைதான் சந்தேகிக்க முடியும்! தேர்தல் ஆணையமே  பணப்பட்டுவாடாவுக்கு மறைமுகமாக உதவுகிறது என்றுதான் நினைக்க வேண்டும்!
          " ஒரே நாளில் ஒரு கோடி ரூபாய் வாக்காளர்களுக்கு கொடுக்கப் பட்டிருக்கிறது" என்பது எதிர்க்கட்சித் தலைவர் மு.க.ஸ்டாலினின் குற்றச்சாட்டு. எடப்பாடி ஆட்கள் 6௦௦௦ வீதம் கொடுக்கிறார்கள் ,தினகரன் ஆட்கள் 10 ஆயிரம் வீதம் கொடுக்கிறார்கள் என்று தொகுதி முழுவதும்  பரபரப்பு பற்றி எரிகிறது.பல இடங்களில் கையும் களவுமாக பிடிபட்டதாக  மீடியாக்கள் அலறுகின்றன.  எப்பவும் இல்லாதவகையில் பிஜேபியும் லவுட் ஸ்பீக்கரில் புல் வால்யூமில் கூச்சலிடுகிறது. "தேர்தலை தள்ளி வை."!
            கன்னம் வைக்கும் வரை கையைக்கட்டி வேடிக்கைப் பார்த்துவிட்டு  திருடன் சுருட்டிக்கொண்டு போன பின்னர் "களவாணி! களவாணி" என யாரைப் பார்த்துக் கதறுகிறது பிஜேபி? 
          வீடியோ ஆதாரமுடன் ஸ்டாலின் புகார் செய்திருக்கிறார்.தேர்தலை ரத்து செய்வதை விட தொடர்புடைய கட்சியை இனி வரும் தேர்தலில் எந்த தொகுதியிலும் போட்டியிடாமல் செய்வதே சிறந்த நடவடிக்கையாக இரு
க்க முடியும்!

1 கருத்து:

பெயரில்லா சொன்னது…

காசு கொடுப்பதில் பிதாமகர்களே திமுக தான்